古今二 (觀塘工業中心)

营业中

休息中

最近約朋友喺觀塘食飯，佢話食過有間舖嘅創意壽司唔錯，就決定去個度食。柚想蝦你沙律沙律分量比想像中大好多，入邊嘅材料好多，有新鮮蔬菜、海草、車厘茄、蘋果、柚子、蟹子、牛油果、甜蝦，配合略帶酸嘅柚子汁食，感覺非常開胃。特色卷物我哋叫咗超級龍捲風以及富士山，兩款擺碟都好有心思，超級龍卷風入面濃厚嘅芝士同鰻魚係絕配，再加上火候炸得啱啱好嘅天婦羅蝦以及新鮮青瓜，口感一流，我同朋友都食到停唔到口。富士山亦係非常高質，表面上鋪滿蟹柳以及脆片，鰻魚牛油果卷亦都係包得十分結實，飯同餡料嘅比例適中，加埋表面嘅脆片食好正。豚肉泡菜鍋豚肉泡菜鍋有好多豚肉，唔同種類嘅蔬菜同豆腐，泡菜湯底唔算好辣，相當容易入口。埼玉網燒牛舌牛舌比想像中更厚切，燒得啱啱好，容易咬開，又唔會好油，點埋餐廳提供嘅汁一齊食，味道更佳。總括而言，餐廳食物質素非常高，創意壽司果然名不虛傳，下次有機會一定再光顧。