古今二 (觀塘工業中心)

营业中

休息中

古今二既名聽咗好耐，朋友有推介過，電視節目亦有介紹過，今日去開觀塘終於有緣一試。大家行完街都有啲肚餓，一下子叫咗唔少澱粉質，食到超飽😅😅😅先上三文魚炒飯，除咗大量三文魚仲有鳴門卷做主要材料，口感豐富，飯粒鬆軟，粒粒分明但又唔算油，係幾出色既炒飯。名物青龍卷賣相吸引，牛油果完熟，完美融入啲飯度，好好食～三文魚壽司薄餅趣味十足，外層酥脆，入面依然係軟綿綿既壽司飯，但兩人食真係有啲多。串燒方面試咗佢個鴨胸串，味道不過不失，冇卷物咁有驚喜。沙律亦都係正常水準，勝在大大份。食完覺得咁多人推介係有佢既原因既，相信午市定食會更抵食。