麺屋こころ (軒尼詩道)

营业中

休息中

之前已經好想黎呢開由日本得獎拉麵店開過黎既台式風格拌麵！平時見到要排晒長龍,今次特別早少少黎到食個早晚餐.明太子忌廉拉麵除左主打既正宗全料東京撈麵外店內亦有好多款充滿日式風味既口味.今次就私心揀左自己最鍾意既明太子口味.明太子忌廉拉麵既配料有沙律菜,生蛋黃,紫菜碎,蒜蓉,鯖魚粉,慢煮叉燒,明太子忌廉,青蔥同番紅花.口感層次豐富而且味道又濃郁.充滿濃厚鹹鮮辛香既明太子加上忌廉後整個味道無咁鹹膩.充滿麥香既粗麵,充滿煙韌感又彈牙.加上生蛋黃後令麵條入口更香滑及更掛汁.慢煮叉燒香軟充滿肉香,叉燒香甜帶少少豚脂香亦唔會過油膩.冰涼又解渴既烏龍茶食完拉麵後清新一下口腔.