幸福班戟 (K11 Musea) (已結業)

A Happy Pancake的班戟聲稱以日本國雞蛋製作，即叫即製，到底係咪又真係咁好味呢？K11 musea 新開，所有鋪頭都好鬼靚，行過見到幸福pancake好鬼多人排隊，人群一群我又跟住去排啦。等咗半個幾鐘，前面仲有四張枱未入。腳仔都軟埋⋯⋯仲要話係即叫即做每份等20分鐘（最慘係冇得拎飛，要你企定定喺度等）最後我決定叫外賣，事關我發現排隊嗰度有張高枱可以企係度食。我叫左招牌的幸福Pancake，食落的確蛋味香濃，鬆軟得來又不完全得空氣既，一份有三塊，食完都幾有飽肚感。