Amici (已結業)

係中環放工，行經過士丹尼街，見到成橦大廈都係食野嘅地方，見到有意大利菜就二話不說上左去食，一上到去就見到餐廳裝潢好雅緻，一睇就知無去錯地方。佢放餐具都好講究，分好哂唔同食物應有嘅用具。第一道係凱薩沙律一上台，就比左五個透明玻璃瓶，分別放左凱薩醬、面包粒、翠煙肉、芝士粉同醃製左嘅咸魚。黑色嘅面包粒好驚喜，好香口。第二道叫左個牛扒食。一個人份量岩岩好，叫左七成熟，一入口有好濃郁嘅燒烤香味，同係意大利食牛扒嘅味道一樣，扒肉唔會好韌，唔多根。佢啲旁邊菜都燒烤過，仲好juicy .驚喜野食係似薯仔嘅意大利飯，佢意大利飯煎左四邊，咬落去好脆口，入面濕濕地好香意飯香。我地仲叫左rigatoni arrabbiata辣茄嘅長通粉。係一種意大利羅馬式的意式食品，佢上面有少少香芹碎放係面。佢有啲煙肉咸同蕃茄辣好引人繼續食落去。