影片
更多
2018-03-14
459 浏览
無論幾忙，好友不時都要聚下食餐飯，所以我同班好友都會每個月都抽時間出黎食飯傾計，起碼知道大家近況又唔會令大家疏遠距離，我地同常都會揀食火鍋同小菜，容易叫菜同圍住用餐都特別有氣氛，今晚去左依間擁有米之蓮名銜既高級中菜廳食晚飯，平時食小菜都係去小菜館或大排檔，第一次係米之蓮既星級餐廳食飯，因為其中一位食過覺得唔錯，所以帶我地再黎食!餐廳位於跑馬地馬場附近既酒店內一樓，到左餐廳店員非常友善前來問人數，亦即時帶我地入座，簡約中帶點氣派，人客不算少，亦唔會感到嘈吵，環境非常舒服朋友話依度既瓦罉焗胡椒蝦非常出名，當然即刻點左一客，另外再點左幾款餸一齊食，先送上蒜泥白肉，擺到一座山咁高，白肉中間捲住左青瓜絲，面頭淋滿川味辣醬汁，白肉肥瘦適中，整件放入口，清新既青瓜絲味道同醬汁溶為一體，味道辣辣地，清新口感帶少少惹味，醬汁又唔會蓋過白肉卷本身味道，唔錯呢杏汁燉白肺湯飲個湯暖暖胃，本身都好鍾意飲湯，叫左依度好出名既杏汁燉白肺湯，湯奶白色，湯中非常足料，有豬肺同雞爪，飲落順滑帶清，唔算好濃杏汁味，呑後有陣陣杏香散出，飲完係覺得舒服，值得推介瓦罉焗胡椒蝦到左主角胡椒蝦出場啦，一送上枱打開煲蓋已經霧出煙，非常
餐廳位於跑馬地馬場附近既酒店內一樓，到左餐廳店員非常友善前來問人數，亦即時帶我地入座，簡約中帶點氣派，人客不算少，亦唔會感到嘈吵，環境非常舒服
朋友話依度既瓦罉焗胡椒蝦非常出名，當然即刻點左一客，另外再點左幾款餸一齊食，先送上蒜泥白肉，擺到一座山咁高，白肉中間捲住左青瓜絲，面頭淋滿川味辣醬汁，白肉肥瘦適中，整件放入口，清新既青瓜絲味道同醬汁溶為一體，味道辣辣地，清新口感帶少少惹味，醬汁又唔會蓋過白肉卷本身味道，唔錯呢
杏汁燉白肺湯
飲個湯暖暖胃，本身都好鍾意飲湯，叫左依度好出名既杏汁燉白肺湯，湯奶白色，湯中非常足料，有豬肺同雞爪，飲落順滑帶清，唔算好濃杏汁味，呑後有陣陣杏香散出，飲完係覺得舒服，值得推介
瓦罉焗胡椒蝦
到左主角胡椒蝦出場啦，一送上枱打開煲蓋已經霧出煙，非常濃烈既胡椒味，少許刺鼻但愈聞愈香，大量胡椒粒中藏住八隻大頭蝦
大頭蝦經輕炸過，剁殻後蝦肉入口依然爽口彈牙，咀嚼個時有陣陣胡椒香味湧出，食得出非常新鮮，果然無介紹錯，的確係必點菜式
麻辣水煮鮮魚片
無辣不歡既我地點會錯過水煮魚片，一大盆水煮魚片面頭鋪滿辣椒麻籽，見到紅噹噹已經勁興奮，聞到陣陣麻辣香
店員會幫忙撈起部分辣椒，等我地容易食到魚片同薯粉，魚片一夾起係軟滑到散開，食落非常嫩滑，配合辣椒一齊食惹味過癮，薯粉夠哂煙韌，但份量只夠兩人食，我地人多既話多少少會更好
照燒黑松露野菌安格斯牛柳粒
離遠已聞到陣陣黑松露味，當中除左牛柳粒，連同翠肉瓜、露荀、菇菌粒一齊炒，味道適中又唔會過鹹，牛柳粒軟熟入味，如果配白飯食更加停唔到口
正宗四川擔擔麵
一小碗估唔到份量都幾多，擔擔麵食落軟身，味道濃而不澀，調味控制得好好，食完唔會感到口渴同膩口
紅油雲呑
平時都熱愛食餃子雲呑，依度既雲呑比一般平時食到既圓大餡料多，薄皮之餘，菜肉餡料比例剛剛好，食度菜亦食到肉香，拌匀微辣既紅油一齊食更增添食慾
整體而言，朋友的確無介紹錯，果然色香味俱全，服務態度好好，坐得舒適，環境亦闊落唔迫，的確可以慢慢享用，下次要同屋企人再黎食，相信佢地實會喜歡
张贴
