金所 (已結業)

係大角咀周圍都係得呢一間餐廳要等位，平日晚餐時間等左一個鐘入坐。入到去原來成間舖都只係有20個位。疫情關係一入去會量體溫同埋比消毒搓手液。👍🏻叫左雞肉沾白布烏冬，一塊塊既烏冬好靚好得意😆烏冬係幾好食既，煙煙韌韌咁，幾有咬口。不過好大塊，食第一塊個陣成塊放落個沾麵汁到，好難夾又難放入口，之後我介開細塊啲食會好啲。沾麵汁入面有兩三件雞，湯低比想像中淡口😕啱啲鍾意清淡嘅朋友😂份量真係少左啲，女仔食完都唔夠飽。得6塊烏冬（後尾睇返人地既食評，見到大部分都有7塊😨，佢係咪俾少左我呀！？😭😭😭） 總括而言，唔係難食既，等一個鐘就唔係好值得試一次就夠，份量太少了。