影片
更多
2018-07-03
195 浏览
對於揀飲擇食既我，其實食既菜系唔算多，尼尼去去都係日本同意大利菜，雖然近年開始可以食辣，選擇都叫多左少少，但其實都有少少食到厭既感覺，難得呢日男朋友竟然話帶我食印度菜wo, 我真係超淆底，因為我對印度菜既印象只有神神秘秘既重慶大廈，仲有旺角咖哩但係佢話有居港印度人介紹佢尼食，而我係openrice search 過又好似OK，所以先膽粗粗話好。Kailash Parbat位於寶勒巷一幢大廈既3樓，係K11行過尼都好快，附近食肆林立，大廈對面就係馬會投注站，唔算難搵。一出電梯既左手邊就係啦。裝修風格同我想像中既昏黃燈光好唔同，色彩繽紛以為係越南餐廳。當晚大概7點15分左右到達，坐左幾枱客人，仔細望過之後發現全部都係印度人尼架!唔單只係客，連9成9既員工都係印度人，當時我地打開左menu一睇，睇極都唔係好明既時候，突然比我見到一個女員工似香港人，佢又好似感應到我望住佢咁，冇幾耐就行左過尼。因為我係第一次食印度菜，淨係識得咖哩同薄餅，於是就問女員工有咩推介啦，佢問我地諗住想食D咩，男朋友就話想食D 咖哩配肉之類，跟住員工就話我地知原來呢度係食素架!!我地好愕然，因為之前冇聽講過，resear
尼尼去去都係日本同意大利菜，雖然近年開始可以食辣，
選擇都叫多左少少，但其實都有少少食到厭既感覺，
難得呢日男朋友竟然話帶我食印度菜wo, 我真係超淆底，
因為我對印度菜既印象只有神神秘秘既重慶大廈，
仲有旺角咖哩
但係佢話有居港印度人介紹佢尼食，
而我係openrice search 過又好似OK，
所以先膽粗粗話好。
Kailash Parbat位於寶勒巷一幢大廈既3樓，
係K11行過尼都好快，附近食肆林立，
大廈對面就係馬會投注站，唔算難搵。
一出電梯既左手邊就係啦。
裝修風格同我想像中既昏黃燈光好唔同，
色彩繽紛以為係越南餐廳。
當晚大概7點15分左右到達，坐左幾枱客人，
仔細望過之後發現全部都係印度人尼架!
唔單只係客，連9成9既員工都係印度人，
當時我地打開左menu一睇，睇極都唔係好明既時候，
突然比我見到一個女員工似香港人，
佢又好似感應到我望住佢咁，冇幾耐就行左過尼。
因為我係第一次食印度菜，淨係識得咖哩同薄餅，
於是就問女員工有咩推介啦，佢問我地諗住想食D咩，
男朋友就話想食D 咖哩配肉之類，
跟住員工就話我地知原來呢度係食素架!!
我地好愕然，因為之前冇聽講過，research 時候都冇發現，擺左烏籠。
不過唔緊要，第一次食印度菜再加第一次食素，我豁出去啦!
影個menu 比大家事先研究吓
首先尼既係前菜既Ragda Dahi Puri ($80)
凍食既，佢係一個個炸球，裡面包住左D 豆類，加左乳酪酸酸地。
聽講係印度一D街頭小食尼既。
跟住就係Punjabi Samosa ($70)
上碟呢架貨車真係冇得輸，霸左3分1張枱。
其他係類似咖哩角咁既，外皮有D似scone，裡面係辣味既薯仔，
薯仔唔係薯蓉咁，反而似係切粒，好有口感，
配菜係咖哩豆，可以加埋落去食，
不過食食吓都幾辣吓，同埋個份量都幾多吓，食完都幾飽。
之後係Veg Manchurian (Gravy) ($80)
其實係素菜丸，裡面係D生菜尼既，
素菜丸比起平時食開既IKEA 肉丸冇打得咁實，
反而吸得多D汁，口感仲好D。
醬汁甜甜地幾岩我食!
差唔多同時間尼既有Stuffed Paratha (Cheese) ($45)
即是印度薄餅，呢個印度薄餅中間係用左美式芝士，
食落去有少少鹹香，我地就用尼點素菜丸個醬汁，
發現係超級美味!!
Sweet Corn Soup ($40)係我唯一睇名就知道係咩尼既野，上菜時好夠熱，除左粟米仲落左菜同紅蘿蔔，
口感好好，湯既味唔味精，飲完都冇口渴感覺，好鍾意。
飲品方面男朋友叫左Lassi - Malai Marke (Mango) ($49)
其實係芒果乳酪，口感好濃郁。
而我就叫左Bombay Cutting Chai ($35)
即是奶茶，茶味淡奶味比較多既
總括尼講，第一次食印度菜既我非常滿意，比想像中好得多，以後都會嘗試吓其他菜系，
反正人一世物一世，唔試過又點知唔岩自己呢。
最後不得不提既係服務，
除左香港人女員工幫忙介紹食物之外，
Reception 既員工，廚司同疑似老闆都熱心地過尼問我地D食物點呀，
可能擔心我地食唔慣啦，聽到我地讚好食都好開心，成件事唔突兀之餘好窩心。
另外隔離枱有印度人一家四口，
小妹妹當日生日，員工好醒目幫佢地雪蛋糕，
食之前疑似老闆仲主動幫佢地影相tim
张贴
