潮牛莊火鍋 (已結業)

兩公婆襯sunday去尖沙咀買行李喼，行到腳仔軟，最終成功買到，之後我地走左去間專手切騸牯牛的潮牛城晚餐，了解翻騸牯牛從小就被閹割，牛在成長後，油多肉少，但牛味反比沒有閹過味道更濃郁，而牛肉也更滑嫩得多，所以驅使我兩牛魔去品嘗。講開間餐廳環境開揚讓人舒服，店員服務週到，不用叫也會自動為我們加湯同飲用水，而且它們採用一人一鍋，屬高級版。有八款湯底供客人揀選老公話要青紅蘿蔔牛蹄湯底，足料碌起飲口湯暖暖胃，牛筋軟淋瑤柱火腿冬瓜鍋粒粒圓形冬瓜球還有火腿瑤柱粒同雞腳，材料豐富，所以碌起要試口湯，夠晒味冬瓜吸收晒超濃湯底。火鍋醬油調味蔥蒜辣椒都齊備！還有涼菜少少辣爽脆拍青瓜叫左個香酥雞軟骨，熱辣辣剛炸起食落有嚼頭鹹鹹脆脆，金黃外表惹味非常。手切騸牯牛揀左爪邊(近Ribs個個部位)，店員推介，$328 中 size, 真係牛味濃，香軟淋滑，超 Like呀！ 如果多人就可以要大size同加錢揀雙拼，食埋其他部位添。當然要食埋用手打騸牯牛牛丸啦$98 8粒，質地更鬆同樣牛味濃的。店員還送及我兩綠茶布甸做甜品添。感謝