Cafe Paradise (已結業)

男朋友係意粉迷，所以小女子成日親自下廚整意粉比佢食架，不過近排晚晚OT好辛苦，佢都叫我唔好煮喇，出去食喇，所以黎左呢度。首先Carbonara($58)都算係經典既意粉，幾乎去到邊都食得到，不過要整得好食就認真唔容易喇，試過整到D汁好稀，自己都唔想放入口 ~呢度個汁勝在夠濃，爆香既煙肉條同菇幾惹味，意粉軟硬適中，又可以畀我偷下師。至於煙三文魚蜆肉天使麵($68)個白汁底同樣整得夠濃，用煙三文魚配連殼蜆肉，都幾鮮味的組合，幼身既天使麵沾滿忌廉芝士，唔錯，等無咁忙時自己都係屋企試下整先。