影片
更多
2022-09-24
29 浏览
因為同男朋友去食周年飯，佢book咗山林道呢間有幾多好評既餐廳。因為心大心細，佢幫我揀左呢個set.石榴果梳打：味道比想像中健康，因為唔會太甜，做到石榴既香味好出！前菜既什菜沙律🥗口感清新，沙律菜新鮮爽脆，入面仲有驚喜咁夾咗尤魚粒增加口感，出奇好味！魚生拼盆：魚生都幾新鮮，而餐廳細心奉上酸汁+日式芥末醬油，令味道更加好。鵝肝配麵包：其實鵝肝處理得唔好會好腥，但餐廳令鵝肝無腥臭，得返油香。重點加咗青瓜、酸洋蔥、甜蘿蔔做伴碟，令到唔會有油膩感。是日餐湯：三文魚味增湯黎到今餐既精華：聽男人講呢間既蠔出奇地新鮮，今次set dinner跟咗兩款蠔：日本蠔（細）、法國蠔（大），店員姐姐細心咁講由淺至深，日本食到法國。日本蠔既味道奶味重，對我呢d初階食蠔人士都okay，而法國蠔食得出海水既金屬味重，比較有質感。本人鍾意日本蠔既輕盈，而男人就鍾意法國蠔既霸氣金屬味主菜我地揀咗安格斯燒牛，牛肉五成熟軟諗適中，薯角香脆好味！重點個蒜片香脆唔苦，配牛真係勁好味，但我地兩個一致認為有醬汁更加好。食到肥肥地，原來仲有一碗什錦拉麵。拉麵係傳統既直麵，入面有大蝦、魚板、雞蛋、蟹柳、菇…配埋黑蒜豬骨湯底做個happ
因為心大心細，佢幫我揀左呢個set.
石榴果梳打：味道比想像中健康，因為唔會太甜，做到石榴既香味好出！
前菜既什菜沙律🥗口感清新，沙律菜新鮮爽脆，入面仲有驚喜咁夾咗尤魚粒增加口感，出奇好味！
魚生拼盆：魚生都幾新鮮，而餐廳細心奉上酸汁+日式芥末醬油，令味道更加好。
鵝肝配麵包：其實鵝肝處理得唔好會好腥，但餐廳令鵝肝無腥臭，得返油香。重點加咗青瓜、酸洋蔥、甜蘿蔔做伴碟，令到唔會有油膩感。
是日餐湯：三文魚味增湯
黎到今餐既精華：聽男人講呢間既蠔出奇地新鮮，今次set dinner跟咗兩款蠔：日本蠔（細）、法國蠔（大），店員姐姐細心咁講由淺至深，日本食到法國。日本蠔既味道奶味重，對我呢d初階食蠔人士都okay，而法國蠔食得出海水既金屬味重，比較有質感。本人鍾意日本蠔既輕盈，而男人就鍾意法國蠔既霸氣金屬味
主菜我地揀咗安格斯燒牛，牛肉五成熟軟諗適中，薯角香脆好味！重點個蒜片香脆唔苦，配牛真係勁好味，但我地兩個一致認為有醬汁更加好。
食到肥肥地，原來仲有一碗什錦拉麵。拉麵係傳統既直麵，入面有大蝦、魚板、雞蛋、蟹柳、菇…配埋黑蒜豬骨湯底做個happy ending😆
今餐質素真係唔錯，下次想黎encore日本蠔。
主要因為環境幾有情調，可以慢慢享受食物同談心。試到魚生、鵝肝、牛扒、西式料理…唔錯唔錯，幾特別幾有新鮮感
张贴
