鋿晶館

营业中

休息中

今時今日想一盅兩件，除咗可以去酒樓，其實好多小舖亦都做得好出色，鋿晶館就係其中一間。餐廳係自家製品牌，手作點心，所有都係現場即點即做，而聽聞師傅更加來頭不少，曾就職於日本東京富麗華多年，招呼過高管達人和明星，回港後亦在多間米芝蓮酒店及大型連鎖酒樓集團做主管，經驗豐富。▶️月半彎晶瑩鮮蝦餃 - 皮薄，做到晶凝效果，內裡嘅蝦仁還算大隻▶️黑松露北菇燒賣皇 - 少少黑松露醬鋪上面，配上北菇同其他餡料，食落很惹味▶️齒頰留香脆蘿蔔腸 - 白滑腸粉，裏面脆皮包住一絲絲蘿蔔，食落有兩種口感幾特別▶️百吃不厭鹹水角 - 顏色金黃，外皮酥脆，熱辣辣炸出來就最好味▶️咱家秘製叉燒包 - 包面軟腍，裏面爆餡流汁，叉燒餡料夠豐富▶️鳳爪排骨金鳳飯 - 用上飯味香濃的金鳳米，肉汁滲透飯裏特別滋味