影片
更多
2019-10-23
1581 浏览
去佐敦附近都好似新开左唔少美食，而呢间成日经过都会见到佢楼下需要排队所以今日就提早黎book定位一于嚟试吓。蟹籽沙律（大）因为平时见出面嘅沙律份量都比较少，于是就叫左个大的，而呢间嘅沙律份量完全系超出预期，系平时的份量的3倍，适合6个人以上食。而入面的青瓜都非常爽脆。唯一有少许问题系沙律酱太多，所以好腻，建议大家可以叫少酱。芝麻鸡翼一碟有四只，全部都连埋鸡翼尖而且系新鲜即炸，表面嘅调味功夫都做得十分之好。够晒入味有少少咸咸地同埋香料嘅味道啱啱好，而且入面啱炸得啱好，仲有肉汁唔会太干身又唔够熟，所以呢个芝麻鸡翼都叫得过。三文鱼腩，一客有5块，每块都切得几厚，系平时放题嘅厚度嘅两至三倍到。所以食落非常之有口感，而且脂肪分布非常之好，所以非常之容易咬落去，而且唔会有其他唔新鲜的味或者唔够冻嘅情况出现。石锅烧香蒜牛肉饭，一上枱𠮶阵已经闻到面头大量蒜香嘅味道，而且石锅非常之够热。所以一上枱之后要开始拌饭。如果唔系就会出现烧焦嘅情况，不过正正系因为够热所以成碗饭都会充满着好香嘅牛肉同埋蒜香味道。十分之惹味。而且牛肉嘅份量都比得相当自大方，少少咸咸地嘅汁同埋蒜香食落非常之开胃。炸鸡软骨，上面嘅炸粉一
蟹籽沙律（大）
因为平时见出面嘅沙律份量都比较少，于是就叫左个大的，而呢间嘅沙律份量完全系超出预期，系平时的份量的3倍，适合6个人以上食。而入面的青瓜都非常爽脆。唯一有少许问题系沙律酱太多，所以好腻，建议大家可以叫少酱。
芝麻鸡翼一碟有四只，全部都连埋鸡翼尖而且系新鲜即炸，表面嘅调味功夫都做得十分之好。够晒入味有少少咸咸地同埋香料嘅味道啱啱好，而且入面啱炸得啱好，仲有肉汁唔会太干身又唔够熟，所以呢个芝麻鸡翼都叫得过。
三文鱼腩，一客有5块，每块都切得几厚，系平时放题嘅厚度嘅两至三倍到。所以食落非常之有口感，而且脂肪分布非常之好，所以非常之容易咬落去，而且唔会有其他唔新鲜的味或者唔够冻嘅情况出现。
石锅烧香蒜牛肉饭，一上枱𠮶阵已经闻到面头大量蒜香嘅味道，而且石锅非常之够热。所以一上枱之后要开始拌饭。如果唔系就会出现烧焦嘅情况，不过正正系因为够热所以成碗饭都会充满着好香嘅牛肉同埋蒜香味道。十分之惹味。而且牛肉嘅份量都比得相当自大方，少少咸咸地嘅汁同埋蒜香食落非常之开胃。
炸鸡软骨，上面嘅炸粉一啲都唔厚，而且系新鲜即炸，脆卜卜，有小小盐，可以配上啤酒咁样食非常之夹。
士多啤梨乳酸，入面士多啤梨嘅味道非常之香浓，而且一啲都唔假，应该系用咗新鲜嘅士多啤梨落去整，入面嘅甜度亦都唔会比起坊间甘甜，加上有少少酸咁，而且都几大杯所以都几抵。
最后职员虽然非常之忙碌，但系亦都唔会有漏单嘅情况出现。食物上枱嘅速度亦都几快。
张贴
