更多
2017-11-15
21737 浏览
成日都聽人講,洲際既自助餐有幾好食幾吸引,今次又咁岩比我見到佢個網頁有PROMOTION。同朋友商量完之後就決定要試一試呢間五星級酒店既BUFFET到底有幾正星期三晚六點零鐘就黎到,由於人唔多,所以影相都好方便被安排坐窗口位置,可以一邊食一邊睇維景,之後仲可以睇到幻彩詠香江個場比想象中既大,而且整齊,由沙律吧去到甜品差唔多有10米長,一開始真係睇到眼花撩亂,樣樣都想試好多人都話呢度既海鮮冷盤好新鮮,甜品款式多又好味,仲有和牛同鮑魚海蔘,所以我一早已經鎖定目標點知原來已經改左韓式主題,所以無和牛….鮑魚改左做迷你鮑魚,SIZE大概係一節手指公咁大….海蔘更失蹤…下次真係唔可以亂衝,要睇左個主題先好買COUPON…一黎到,侍應該話比我地知可以揀一杯免費酒精飲品我就揀左cocktail,朋友就揀左香檳Cocktail好似藥水味…好難飲,朋友杯香檳酒味香醇但易入口,正好多其實呢度個沙律吧有好多選擇,已經撈好左既都有5款,另外仲有自選沙律,望落新鮮乾淨,不過胃得一個,所以只好SKIP左佢,直接進入海鮮冷盤環節!!海鮮冷盤有龍蝦、長腳蟹、蟹鉗、小龍蝦、青口、蜆等而我只係主攻長腳蟹、蟹鉗,因為真係超
星期三晚六點零鐘就黎到,由於人唔多,所以影相都好方便
被安排坐窗口位置,可以一邊食一邊睇維景,之後仲可以睇到幻彩詠香江
好多人都話呢度既海鮮冷盤好新鮮,甜品款式多又好味,仲有和牛同鮑魚海蔘,所以我一早已經鎖定目標
點知原來已經改左韓式主題,所以無和牛….
鮑魚改左做迷你鮑魚,SIZE大概係一節手指公咁大….海蔘更失蹤…
下次真係唔可以亂衝,要睇左個主題先好買COUPON…
一黎到,侍應該話比我地知可以揀一杯免費酒精飲品
我就揀左cocktail,朋友就揀左香檳
其實呢度個沙律吧有好多選擇,已經撈好左既都有5款,另外仲有自選沙律,望落新鮮乾淨,不過胃得一個,所以只好SKIP左佢,直接進入海鮮冷盤環節!!
海鮮冷盤有龍蝦、長腳蟹、蟹鉗、小龍蝦、青口、蜆等
長腳蟹有淡淡既海水味,但又唔會過鹹,而且又食到鮮甜味,一個字,我一個人都食左差唔多十隻
蟹鉗大大隻,仲要已經"MOCK"左個殼,方便進食,重點係好鮮甜
龍蝦肉雖然鮮甜味不及前面兩款,但肉質好彈牙,啖啖肉,平時出去食一隻都要百幾蚊啦,呢度唔駛慳住食,真係食到爽~~
至於青口同蜆相比之下就好普通,因為前者太特出啦
冷盤仲試左火腿同三文魚(好似係刁草味),火腿太油唔岩我口味,但三文魚好食過煙三文魚,唔鹹又有香草味
芝士都有五款選擇,只係唔想夾餅食,浪費左D胃空間,所以無試
至於日式刺身方邊,有三文魚、吞拿魚、甜蝦、象拔蚌
不過抵讚刺身都係厚切
湯羮類有三款,分別有南瓜湯、中式瓜湯同埋燕窩羮
熱食方邊,今期係韓式主題,所以有少量韓食,我試左凍豆腐、韓式燒牛肋骨同韓式燒腩肉
凍豆腐 – 就係普通一舊唔入味既豆腐..
韓式燒牛肋骨 – 韓式甜醬味,但太乾
韓式燒腩肉 – 基本上同牛肋骨差唔多味且乾身
炸雞粒 – 外層香脆但雞肉唔鞋,調味粉調得唔錯,不過就只有原味,所以我拎左個黑松露醬點黎食
講真熱食真係彼令人失望,無和牛我都理解,但無估到鮑魚縮水、無海蔘…換來既係鮑魚仔炆雞、羊架、煎魚扒、蒸魚、咕嚕肉、炆封鴨、冬菇炆鴨掌定鵝掌、芝士焗西蘭花、忌廉雲吞、炸魷魚蝦球、即切牛扒、咖哩魚
羊架 – 夠厚夠淋,配上微騷,唔錯
炸魷魚蝦球 – 呢款出乎意料,原來外面甜,入面就彈牙既蝦同埋有魷魚味既魷魚,中意重口味既朋友,可以點黑松露醬食
即切牛扒 – 平時食自助餐多數都好韌,所以少食;但朋友拎到番黎比我試,原來呢度既牛扒係淋身,一D都唔韌!! 中間粉嫩,呢個有驚喜
鮑魚仔炆雞 – 鮑魚仔入味又彈牙,不過就真係太細隻啦…而且成碟雞 飽魚仔已經比人揀得七七八八,雞肉又鞋又老
試左少少熱食,覺得麻麻地,就無浪費QUOTA,直接去甜品
甜品款式真係好多,要影三張相都影得哂
覺得好食既有流心芝士撻、麵包布甸、抺茶心太軟、蝴蝶酥
流心芝士撻 – 呢個真係好芝味,流心餡又滑,芝士控應該好中意
麵包布甸 – 我專食佢邊位,因為除左蛋香之外,仲多左一層焦香,而且唔會濕笠笠
抺茶心太軟 – 抺茶味算濃,中間有少許流心,唔會太甜,不過唔係新鮮出爐
蝴蝶酥 – 中意佢表面唔會有太多砂糖,食落乾脆
食食下,酒店無啦啦播左幾次鐵琴聲,原來係有新鮮既梳乎里出爐!!
基本上,我食左一啖之後就無再掂過佢,根本就係食梗砂糖同空氣既混合物…
總結,$1257兩人於無敵海景、五星級酒店享用自助晚餐,齋睇個名都覺得吸引,平均每個人都只係六百零!! 但原來都要睇埋酒店當時既主題,日式同韓式大不同…和牛對炸雞?! 精明既人一睇就知層次唔同
冷盤海鮮既質素,甜品、沙律、芝士既選擇之多,侍應既服務態度同工作表現,無敵海景,舒適唔迫夾既環境,都達到我對五星級酒店餐廳既期望;如果熱食質素同選擇可以豐富D,而唔係一般茶餐廳既炒粉/飯/中菜,會更好。
题外话/补充资料:
由於只可以上載12張相,為左可以睇清楚D相,所以我就唔合併照片,直接上載去相薄就算
(以上食记乃用户个人意见 , 并不代表OpenRice之观点。)
张贴