拾味山西刀削麵館

营业中

休息中

同個朋友仔係灣仔玩完活動，係時候搵野食啦，太肚餓，係附近見到呢間拾味刀削麵，食個辣麵都好喎。好，坐低睇吓有咩好食先。麻辣風味冷刀配燻蹄絲，刀削麵都可以玩冷食拌麵，好驚喜！個麵好煙韌爽彈，個擔擔醬加麻辣醬，又麻辣又帶甜，淨係辣都有層次，仲有清爽青瓜絲。麻辣手撕雞刀削麵，熱食，湯麵，麵質同冷麵就明顯有分別，呢個面比較軟身，腍一點，索有湯汁，係另一個口感。雞絲份量都唔少，麻辣未夠麻夠香。花雕醉雞，好有酒味，而且雞件啖啖肉又夠滑，正！飲品就叫咗豆漿、薑母茶。