影片
更多
2024-03-10
35 浏览
壹.01再次回訪呢間「壹.01」嘅觀塘小店，今次發現佢哋加咗少少價，但依然味道不變，份量勁多，喺觀塘嚟講繼續性價比好高！輪椅人士要上去中海日升中心2樓就要喺龍城冰室右邊先有升降機，附近完全無升降機標誌提示人有升降機，一到2樓出仲要穿過2個無自動門嘅防煙門，如果無人陪你去，真係會被困2樓！1.蜜汁紫菜排骨飯$62（9/10）呢碗排骨飯好香，有一大塊排骨，排骨甜甜地，排骨下面有超多紫菜，紫菜撈飯超級香！2. 辣椒大蔥手撕雞飯（蝦皮添加）$57（9/10）呢碗手撕雞飯冇少少辣辣地，手撕雞量勁多，肉質唔韌，仲有蝦皮、勁多蔥同大蔥等！3. 脆炸鮮奶卷+古早芋泥二文治$48（9/10）上次都有叫呢個，炸鮮奶卷有3條，入面鮮奶好香濃，炸得夠脆！👍芋泥三文治有4舊，雖然每一舊好細舊，但芋泥唔會因為細而放少d，芋泥係爆多滿滿，細舊又有另一好處係可以一啖食哂！😅4.鹽酥雞球（單份）$18（8.5/10）呢個鹽酥雞球炸得好酥脆，份量算多，大約20粒！5.台北夜市小食拼盤（台灣腸，花之丸，鹽酥雞）$43（9/10）呢個小食拼盤份量多，有3舊搽咗蜜糖嘅台灣腸、3粒花之丸同大約30粒鹽酥雞！6.黑糖珍珠鮮奶（大）
再次回訪呢間「壹.01」嘅觀塘小店，今次發現佢哋加咗少少價，但依然味道不變，份量勁多，喺觀塘嚟講繼續性價比好高！
輪椅人士要上去中海日升中心2樓就要喺龍城冰室右邊先有升降機，附近完全無升降機標誌提示人有升降機，一到2樓出仲要穿過2個無自動門嘅防煙門，如果無人陪你去，真係會被困2樓！
1.蜜汁紫菜排骨飯$62（9/10）
呢碗排骨飯好香，有一大塊排骨，排骨甜甜地，排骨下面有超多紫菜，紫菜撈飯超級香！
2. 辣椒大蔥手撕雞飯（蝦皮添加）$57（9/10）
呢碗手撕雞飯冇少少辣辣地，手撕雞量勁多，肉質唔韌，仲有蝦皮、勁多蔥同大蔥等！
3. 脆炸鮮奶卷+古早芋泥二文治$48（9/10）
上次都有叫呢個，炸鮮奶卷有3條，入面鮮奶好香濃，炸得夠脆！👍
芋泥三文治有4舊，雖然每一舊好細舊，但芋泥唔會因為細而放少d，芋泥係爆多滿滿，細舊又有另一好處係可以一啖食哂！😅
4.鹽酥雞球（單份）$18（8.5/10）
呢個鹽酥雞球炸得好酥脆，份量算多，大約20粒！
5.台北夜市小食拼盤（台灣腸，花之丸，鹽酥雞）$43（9/10）
呢個小食拼盤份量多，有3舊搽咗蜜糖嘅台灣腸、3粒花之丸同大約30粒鹽酥雞！
6.黑糖珍珠鮮奶（大）$40+仙草$5（9/10）
呢杯黑糖珍珠鮮奶甜咗少少，奶味濃且夠滑，珍珠好煙韌，仙草加咗$5，整體好大杯，夠2人飲！
7.芝•芋頭鮮奶（中）$34(9/10)
芝士味濃，奶夠滑，入面仲有好多好香嘅芋頭粒！
2人總共價錢$307
個人口味總評分：8.78/10
@1.01_ig
地址：觀塘駿業街56號中海日升中心2樓D號舖
#壹01 #台灣菜 #香港美食 #觀塘美食 #觀塘好去處 #hkig #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
张贴
