影片
更多
2023-12-11
27 浏览
《Hungry Monkey -銅鑼灣》又係一個星期一度嘅銅鑼灣搵食團！今日黎到我喺屋企附近都有嘅Hungry Monkey！Hungry Monkey我喺荃灣都食過4-5次，係一間親民少少嘅日式鐵板燒，個人覺得食得decent少少又唔想好貴，呢個係個選擇！銅鑼灣店就第一次黎～頭盤沙律 $28呢個頭盤基本上次次黎佢地都會推薦，都係佢地招牌黎。酸酸甜甜，少少漬漬地嘅凍蕃茄，以炸蒜同蔥令你有返D之後食鐵板燒嘅準備，第一次黎嘅朋友建議點一次呢個。辣酒凍風螺 $68上次都食過，呢個凍風螺係川式麻辣，完全唔似辣酒花螺，入口有微微地少少麻辣，加返個偏甜少少嘅汁，呢個係一道下酒菜！厚焼牛舌 $128又係一個熟悉嘅面孔，厚燒牛舌！呢個係性價比之王，份量唔少，即燒又一定好香口。同薄燒牛舌唔到，佢就唔係食爽口，係食彈牙同濃厚，食肉獸一定鍾意！唔韌！好食！鐵板活北寄貝 $108由於朋友喜歡食海鮮，今晚叫新野！當日廚師推介鐵板活北寄貝，北寄貝如果新鮮，真係唔駛搞咁多野，師傅就咁用炸蒜同牛油調味已經殺哂！香味襲擊旁邊食客。-鐵板帆立貝 ＄68帆立貝口感又唔同，就係又嫩又軟，先將兩邊用牛油煎香，再以日本醬油調味，
又係一個星期一度嘅銅鑼灣搵食團！今日黎到我喺屋企附近都有嘅Hungry Monkey！Hungry Monkey我喺荃灣都食過4-5次，係一間親民少少嘅日式鐵板燒，個人覺得食得decent少少又唔想好貴，呢個係個選擇！銅鑼灣店就第一次黎～
頭盤沙律 $28
呢個頭盤基本上次次黎佢地都會推薦，都係佢地招牌黎。酸酸甜甜，少少漬漬地嘅凍蕃茄，以炸蒜同蔥令你有返D之後食鐵板燒嘅準備，第一次黎嘅朋友建議點一次呢個。
辣酒凍風螺 $68
上次都食過，呢個凍風螺係川式麻辣，完全唔似辣酒花螺，入口有微微地少少麻辣，加返個偏甜少少嘅汁，呢個係一道下酒菜！
厚焼牛舌 $128
又係一個熟悉嘅面孔，厚燒牛舌！呢個係性價比之王，份量唔少，即燒又一定好香口。同薄燒牛舌唔到，佢就唔係食爽口，係食彈牙同濃厚，食肉獸一定鍾意！唔韌！好食！鐵板活北寄貝 $108
由於朋友喜歡食海鮮，今晚叫新野！當日廚師推介鐵板活北寄貝，北寄貝如果新鮮，真係唔駛搞咁多野，師傅就咁用炸蒜同牛油調味已經殺哂！香味襲擊旁邊食客。
-鐵板帆立貝 ＄68
帆立貝口感又唔同，就係又嫩又軟，先將兩邊用牛油煎香，再以日本醬油調味，呢個造法我喺屋企都經常做！呢度用鐵板，火喉當然唔用層次啦！
蟶子 $136
再黎就叫蟶子，蟶子口感就爽脆D，喜歡食蟶子嘅朋友都會愛上佢嘅鮮味，比喜歡貝殼類濃烈。都係炸蒜牛油已經好好食！
松葉蟹肉海膽炒飯 ＄158
黎親食鐵板燒我都一定會見一個飯！呢個蟹肉海膽炒飯真正矜貴之處在於一枝枝真松葉蟹肉同一隻隻眼見到嘅海膽藏於飯中，成個飯同之前食果個和牛脂炒飯相反，係淡淡的鮮甜，今餐嘅清泉就係個飯。
明太子御好燒$178
其實我唔想叫呢個，因為一定飽到痴線！2個人黎食，真係叫左呢個都唔駛食其他！不過又岩嘅！你黎得Hungry Monkey，其實好難唔叫御好燒，因為黎呢度就係食呢Ｄ。叫咗個未試過嘅明太子御好燒，明太子鹹辣而帶微甜，椰菜帶來爽脆口感加少少紫菜上面不知不覺又食哂！
朱古力香蕉＄28
呢個朱古力香蕉係店長推薦，話係期間限定，雖然其實只係即製嘅香蕉朱古力（雞蛋仔？），但外脆內軟幾好食，有４隻味，個人建議都係食返原味。個樣咁可愛，聖誕流流，溝女點少得？帶個女仔去食，呢個叫左你一定冇後悔，唔食得都睇得！我保證！
张贴
