甘永泰魚蛋 (已結業)

长洲嘅大鱼蛋开到一街都系，其中有一间有好多款酱汁拣嘅就最受欢迎。 不过为食猪对于酱汁冇特别喜好，就拣呢一间比较出名嘅。为食猪要咗一串大鱼蛋同一串墨鱼丸。因为多人柯打，啲丸系即刻炸返热俾客人嘅。大鱼蛋一串两粒，每粒有大约3粒一般鱼蛋咁大。大鱼蛋咬落好弹牙，鱼肉味偏淡，的确比较适合配咖哩汁吊下味。为食猪就比较钟意墨鱼丸，一串有4粒，炸过嘅外皮令墨鱼丸更香，同大鱼蛋比浓味同鲜甜，而且有粒粒墨鱼。就咁食唔需要任何酱汁已经好好味。