影片
更多
2008-05-08
28 浏览
好少下晝食自助餐,食完真係好飽好飽…印象中,好似無試過Cafe TOO既lunch buffet,今次難得同同事一齊食,都幾盡慶!不過講真,食物種類又真係唔算多喎!等我逐個corner數一數先…大家既第一站都係冷盤同沙律,特別就唔特別架喇,唯一有特色係佢設有一個專門撈沙律既黑色大兜,可以自己選材料同汁,然後有專人同你撈,但係試過之後,發現都唔係咁好味既,反而佢一早撈好晒既凱撒沙律好味好多!同埋,一杯杯既三文魚他他汁幾好味,唔腥又多魚,值得試!係沙律隔離有日式野corner,呢度就樣樣都唔錯,即場製手卷尤佳,因為個紫菜真係新新,好脆,所以特別好味,又可以自選餡料呢!壽司大部分都係一般,同坊間既大同小異,但係其中一個火炙三文魚幾有特色,味道唔算好好,但係值得試下。反而魚生有好多款,任食唔嬲,三文魚幾肥美,又滑又好味!熱盤方面,我覺得都算幾差!比好多酒店自助餐黎得遜色,一黎選擇少,二黎唔特別好味,最好味係燒銀雪魚,魚燒得好香,有才才位脆,啖啖肉,只係有點油;其次有味茄子燒魚柳都可以,個汁有少少似酸汁,不過好杰,魚係好味架,可惜包住魚層皮太厚太硬喇!牛肉就唔掂喇,乾到呢,又硬喎,唉!燒味就更加
印象中,好似無試過Cafe TOO既lunch buffet,今次難得同同事一齊食,都幾盡慶!
不過講真,食物種類又真係唔算多喎!等我逐個corner數一數先…
大家既第一站都係冷盤同沙律,特別就唔特別架喇,唯一有特色係佢設有一個專門撈沙律既黑色大兜,可以自己選材料同汁,然後有專人同你撈,但係試過之後,發現都唔係咁好味既,反而佢一早撈好晒既凱撒沙律好味好多!同埋,一杯杯既三文魚他他汁幾好味,唔腥又多魚,值得試!
係沙律隔離有日式野corner,呢度就樣樣都唔錯,即場製手卷尤佳,因為個紫菜真係新新,好脆,所以特別好味,又可以自選餡料呢!壽司大部分都係一般,同坊間既大同小異,但係其中一個火炙三文魚幾有特色,味道唔算好好,但係值得試下。反而魚生有好多款,任食唔嬲,三文魚幾肥美,又滑又好味!
熱盤方面,我覺得都算幾差!比好多酒店自助餐黎得遜色,一黎選擇少,二黎唔特別好味,最好味係燒銀雪魚,魚燒得好香,有才才位脆,啖啖肉,只係有點油;其次有味茄子燒魚柳都可以,個汁有少少似酸汁,不過好杰,魚係好味架,可惜包住魚層皮太厚太硬喇!牛肉就唔掂喇,乾到呢,又硬喎,唉!燒味就更加唔好提,睇個樣我都唔試咯!仲有炒飯、炒菜、炒一d唔知咩送,真係好求其!
果個懶係特別既印度野corner,有羊、雞、魚、菜、牛咖喱,每樣試少少,黎黎去去都係得個辣字,個咖喱什菜既咖喱又整到一pat pat,唯一比較好味,係用咖喱汁配印度烤餅同脆餅!
粉麵corner我無試,因為總係覺得食自助餐時食成碗粉麵撐住個胃,好似好嘥咁,但係同事試左,佢話以前呢度既喇沙十分好味,但係今次差晒咯!咁我唔食都係明智既!
最後既甜品corner當然係雪儀既主打啦!一見到呢個corner已經雙眼發光,試勻咁多雪糕同蛋糕,感覺係乜都抵番晒呀!雪糕有六款,包括最普通既呍呢拿、朱古力、士多啤梨、芒果,同埋比較特別既紅豆、黑芝麻,後兩款的確十分好味,可惜,食得出唔係Haagen-Dazs,質感又唔係特別滑,唔算係十分優質既雪糕咋!講真,真係有少少偏近巢雀雪糕味道囉,實在令人有點失望…雖然係咁,雪糕癡如我,都係食左十幾球先捨得走。值得一提係,第一次走到雪糕corner,問個staff關於d味道,佢指住白色果個話係豆腐,但係我試左覺得似呍呢拿,回頭再去雪糕corner,已經換左個女仔staff,佢話呢隻唔係豆腐,係呍呢偪喎!咁都得!我都食到係呍呢拿呀!之前個staff真係唔得!
蛋糕方面,試勻晒之後,推介綠茶朱古力芝士蛋糕,好香朱古力味但又唔會過甜,綠茶味算少,但難得唔會令我嫌唔夠味,因為份量真係調校得好,咁先唔會搶左朱古力味道,芝士係軟身,唔會太漏太heavy,所以最後我都係番食呢款甜品!其次係tiramisu,都係好味,不過朱古力味重左少少,而且無酒味;另一橙朱古力橙蛋糕都ok,不過太重朱古力味,比較heavy;至於個蜜桃批,都係麻麻地;紐約芝士蛋糕、法式焦糖燉蛋、啫喱就好普通;有個朱古力布甸咁上下,好甜好漏,但的確好朱古力,呢個試少少好喇!估唔到咁大間酒店,竟然無拿破崙,奇!
仲有生果,同事係咁大讚士多啤梨又甜又好味,我唔知,因為我淨係食甜品已經食到飽死,仲點食生果呢!
食完晒至省起,原來呢度好似話有即製梳乎里同班㦸,竟然唔記得左!!!真係喊都無謂咯!失策之至!
整體黎講,呢餐係豐富而好味,但係呢,我覺得以香格里拉既級數,質素應該不僅於此,例如雪糕既品牌就係一例,可以優質一點,同埋,點可以連拿破崙同果撻都無?話時話,如果只係計熱盤,其實係唔合格,係差!而家都係其他野(主要係甜品同日本野)拉番分咋!
张贴