漁正居酒屋 (已結業)

放工佐敦搵食，見到呢度open rice book 枱有8折就試試佢，估唔到質素都幾高，happy hour 酒類仲買一送一。首先一坐落黎朋友就叫左啤酒，餸串燒是常識吧。叫左幾串串燒熱身，咸香可口，鷄冠串，豬天梯係出面唔多覺得有得嗌。荔枝豚肉卷串，調味過薄薄豬肉片包住清甜多汁既荔枝肉，一啖咬落去爆晒荔枝汁，超爽。烏賊紫蘇梅子脆卷, 外脆內彈牙，配啤酒一流。牛肉生姜燒，牛肉食落油香四溢，洋蔥燒汁甜甜地好開胃。魴鮄魚刺身，上枱好震撼，師傅刀工好好，魚肉薄薄一片，透光，排得工極，令人胃口大開，最後仲會用魚骨煲埋 miso 湯，熱辣辣又係另一種享受。月見稻庭烏冬，烏冬過完冷河超彈牙，沾上蛋黃味道濃厚左，烏冬汁微酸開胃。沃川燒鵝肝，是日 MVP ! 入 口即溶，鵝油香口惹味。