漁正居酒屋 (已結業)

朋友邀請我食日本菜，約我去佐敦地鐵站等，原來帶我來這間「漁正居酒屋」🏮，仲話一早喺OpenRice訂座，有全單七折優惠，真係好抵食啊！餐廳環境裝修都好有日本居酒屋嘅氣氛，播着流行歌曲，職員服務態度殷勤。為我們推介幾種食物，其中活石蠔🦪真係超級大優惠，每隻$18，超級大隻，味道鮮甜！還有魴佛魚刺身，真係好新鮮，餐廳會附上醋汁，酸酸味味好開胃！另外我哋都叫咗好多串燒：雞翼串、荔枝豚肉卷串、蕃茄豚肉卷串、蘆筍豚肉卷串、羊肉串等，一啲都唔乾，燒得啱啱好！燒物方面，我地仲叫咗汁燒帆立貝、燒豬頸肉，特別係燒油甘魚胶，啖啖魚肉又香又滑，十分有驚喜！虎蝦天婦羅卷、蒲燒鰻魚飯也很有質素，這間居酒屋回頭率極高！