陳儀興玫瑰餐廳

营业中

休息中

天氣一凍已經即刻約人食我最愛嘅羊腩煲。陳儀興有幾間唔同focus嘅餐廳，玫瑰餐廳小廚就專做邊爐同小菜，六點幾去到聽到有人Walk in已經冇晒位，好彩提早book咗！枝竹羊腩煲勁足料！羊肉超多仲嚿嚿都又淋又入味，當然唔少得枝竹、冬菇、筍、馬蹄等等，淋少少汁落白飯可以放返幾碗😎 仲有店家特調腐乳醬都好滋味極品黑豚肉 $98六大塊，少少肥又厚又大塊真係極品！冇乜豬臊味而係豚肉鮮甜，配上濃郁羊腩湯底好正滋陰花膠仔煮到淋晒又係好入味仲好滑溜，養生健康又好味。仲有老油條唔打邊爐就咁食已好味，暖暖地又脆口，淥左更加外脆內軟！