影片
更多
2017-04-08
3740 浏览
觀塘工廈原來都有好多好地方！ 發現原來時運工業大廈一直都開咗一間私房菜， 我就奇怪點解原來一直有咁多人排隊等𨋢！ 今日終於book到呢間私房菜啦。 一去到11樓，發現佢嘅門牌已經係用綠色來做主打感覺好清新。 入到去，環境明顯係有諗過設計過， 除咗有一個開放式嘅廚房仲有掛滿了鳥籠的牆身， 感覺好似返 左大自然環境舒服。 坐低之後發現枱上有枝黃色嘅水，原來係菊花水，仲要係任飲添。 員工Cindy亦好細心，介紹店內招牌菜，我哋就跟住佢嘅指示去點菜。 第一道菜：陶香南非飽魚，好少食到鮑魚係浸喺酒裏， 而且係大大隻，好少食到凍食鮑魚，咬口亦都非常之爽唔會黐住隻牙。 第二道菜同第三道菜：紅燒元蹄同荷葉飯。 兩道菜同一時間上菜目的係可以俾我哋一齊撈飯食， 職員會細心講解究竟每一道點樣煮成， 隻紅燒元蹄好大隻，係我手板 3倍。 職員Cindy話此元蹄用了5個鐘煮，火力要夠大， 唔係普通家庭煮得到㗎！ 夠腍又嘢味，汁配埋荷葉飯食，絕配！ 佢仲話當中既荷葉飯裏面啲雞已經起咗 皮， 當時我唔明白點解佢要起咗啲皮唔通佢係想冇咁肥膩？ 不過食到第四道菜我就明白啦！ 第四道菜： 就係呢隻江南百花雞
發現原來時運工業大廈一直都開咗一間私房菜，
我就奇怪點解原來一直有咁多人排隊等𨋢！
今日終於book到呢間私房菜啦。
一去到11樓，發現佢嘅門牌已經係用綠色來做主打感覺好清新。入到去，環境明顯係有諗過設計過，
除咗有一個開放式嘅廚房仲有掛滿了鳥籠的牆身，
感覺好似返 左大自然環境舒服。
坐低之後發現枱上有枝黃色嘅水，原來係菊花水，仲要係任飲添。
員工Cindy亦好細心，介紹店內招牌菜，我哋就跟住佢嘅指示去點菜。第一道菜：陶香南非飽魚，好少食到鮑魚係浸喺酒裏，
而且係大大隻，好少食到凍食鮑魚，咬口亦都非常之爽唔會黐住隻牙。
第二道菜同第三道菜：紅燒元蹄同荷葉飯。兩道菜同一時間上菜目的係可以俾我哋一齊撈飯食，
職員會細心講解究竟每一道點樣煮成，
隻紅燒元蹄好大隻，係我手板 3倍。
職員Cindy話此元蹄用了5個鐘煮，火力要夠大，唔係普通家庭煮得到㗎！
夠腍又嘢味，汁配埋荷葉飯食，絕配！佢仲話當中既荷葉飯裏面啲雞已經起咗 皮，
當時我唔明白點解佢要起咗啲皮唔通佢係想冇咁肥膩？
不過食到第四道菜我就明白啦！
第四道菜：就係呢隻江南百花雞，睇佢個樣好似普通一隻雞，
但唔係雞咁簡單，雞身表面係雞，底下釀蝦膠，
雞肉好滑，完全無落雞粉，蝦膠打得好均勻，
每件雞都斬得整整齊齊，買相好吸引！
職員就解釋啱啱嘅雞皮就用來舖係面。原來一直唔記得講個湯啊！
淮山杞子響螺雞湯，好正，湯料足，一D都唔油膩。
飲完一碗好想再飲第二碗。
職員亦都好細心咁將啲湯渣擺係另外個碟上面。
第五道餸至第八道餸：第五道菜係一啲時蔬浸住啲上湯，對比啱啱食完雞同埋啲肥膩嘅嘢，黎得特別清新。
之後仲有百花蜜脆鱔和海皇豆腐，豆腐好滑身好似山水豆腐花。啲鱔唔係普通嘅味道，食落去係好甜，
因為佢有啲蜜糖搽左係面，所以口感好甜美。
甜品係奶凍，甜甜地，畫上晚餐完美句號！
最後職員邀請我哋喺廚房影咗張大合照，仲送返張即影即有俾我哋添！
就係咁樣食下野、影吓相、飲下茶就去到10點幾了，
我們都度過了一個愉快的晚上呢。
Dreamix廚觀塘觀塘道404號時運工業大廈11樓E室
张贴
