Yadllie Plate 야들리애플래이트 (兆萬中心)

兆萬，一個好多人都識既地方，自己除左去果度行街睇玩具，都會係果度搵食。印象中好幾次兆萬都係放題，放題，放題。人多放題，人少都係放題。呢度真係太多放題 / 任食既餐廳。今日行呢度既時候見到一個新面孔，上開飯見到唔係放題就入左去 ......呢個係一間韓式餐廳，比我既感覺係低調，簡簡單單。打開餐牌見到熟悉既食物，炸雞，部隊鍋等等既食物。蜂蜜芝士粉炸雞 $178韓國既招牌炸雞，炸雞既炸粉來得溫和。炸雞表面佈滿雪白既粉，炸雞甜得嚟又唔會有強烈煎炸感覺，加上油份唔多，食多幾舊都唔會有罪惡感。醬燒五花肉串 $68五花肉串中間夾雜洋蔥同埋蒜，五花肉有嚼勁，加埋上面惹味醬汁，令五花肉串食起嚟味道更香。炸軟殼蟹 $78炸粉唔厚，入口比平時食開腍身，配左個帶少辣既醬，十分惹味。手抓飯 $88一碗紫菜飯來到枱上，可以選擇自己落手整或者由店員幫手，對於我呢d懶人當然叫店員整。見到店員純屬既手勢將飯整成圓形既飯團，入口食到紫菜既咸香同埋鬆軟既飯。草莓雪冰 $68草莓雪冰用左好多士多啤梨，綿花冰入口即溶，連埋雪糕同士多啤梨一齊食又香又甜。以後去兆萬開飯終於唔駛再放題咁寡。