一杯鐵板燒居酒屋

营业中

休息中

呢日去APM行街，行到攰，突然好想食日本嘢，於是去咗4樓，入咗呢間居酒屋食嘢。呢度裝修好似日本居酒屋，琴日安排咗個四人卡位俾我哋，坐得好舒服！豚肉沙律：豚肉夠爽口又入味，啲菜好新鮮，配埋醬汁食，酸酸甜甜，醒神又開胃。海膽拖羅手卷：海膽非常新鮮，配埋肥美拖羅，簡直係無敵，完全停唔到口。鯛魚野菜石鍋湯：湯底好清甜，魚肉鮮嫩，入口即化，加埋金菇同菜，飲完成個身好暖。鐵板A4和牛薄燒：牛肉外面焦香，裏面包住蔥同毛豆，既鎖住肉汁，食落又有口感，好正！北海道芒汁牛奶凍：牛奶質地夠滑，配埋芒果汁，係清甜嘅甜品。