影片
更多
2022-08-18
88 浏览
同家人去東涌玩，夜晚去咗食一間勁有風味嘅海鮮酒家，就係呢間近大嶼山醫院嘅大頭蝦南風海鮮酒家～環境寬闊，入面仲有冷氣廂房～😘首先上枱嘅係燒味拼盤，有肥瘦勻稱嘅蜜汁叉燒，脂肪比例平均。而燒鴨居然仲有全隻髀，大大隻。燒味水準拍得住街外燒味舖，估唔到喺呢度都有美味燒味食！而酸菜魚上枱時熱辣辣，仲不斷冒煙。一呷一口湯，酸菜的香味和魚肉的鮮味都已經湧出來。而酸菜魚愈滾愈出味，去到中段已經好濃郁。而魚肉十分新鮮，肉質彈牙。至於冬陰功浸蜆，冬陰功酸度十足，好開胃，撈白飯食都應該幾正。蜆肉份量合理，而且隻隻都大大隻冇沙，配上一大堆配料，包括索滿湯汁精華的冬菇，粉絲等。另外有一道酥炸茄子幾得意，表面脆卜卜，入面就係熱乎乎又軟身的茄子肉。全餐飯入面我最中意就係呢道餸。至於金銀蛋莧菜份量都合理，蛋花平均唔會一舊舊，不過略嫌莧菜有少許沙，影響口感。最後就係生炒骨，新鮮熱辣即叫即整果然好食，外層酸甜香脆，入面肉質嫩滑，配料的青椒和菠蘿恰到好處。如果唔係咁啱入開東涌，都未必發掘到呢間隱世菜館🙈🙈🙈💓💓💓好食！！
首先上枱嘅係燒味拼盤，
有肥瘦勻稱嘅蜜汁叉燒，脂肪比例平均。而燒鴨居然仲有全隻髀，大大隻。
燒味水準拍得住街外燒味舖，估唔到喺呢度都有美味燒味食！而酸菜魚上枱時熱辣辣，仲不斷冒煙。
一呷一口湯，酸菜的香味和魚肉的鮮味都已經湧出來。而酸菜魚愈滾愈出味，
去到中段已經好濃郁。而魚肉十分新鮮，肉質彈牙。至於冬陰功浸蜆，
冬陰功酸度十足，好開胃，撈白飯食都應該幾正。
蜆肉份量合理，而且隻隻都大大隻冇沙，配上一大堆配料，包括索滿湯汁精華的冬菇，粉絲等。另外有一道酥炸茄子幾得意，表面脆卜卜，入面就係熱乎乎又軟身的茄子肉。全餐飯入面我最中意就係呢道餸。至於金銀蛋莧菜份量都合理，蛋花平均唔會一舊舊，不過略嫌莧菜有少許沙，影響口感。
最後就係生炒骨，
新鮮熱辣即叫即整果然好食，外層酸甜香脆，入面肉質嫩滑，配料的青椒和菠蘿恰到好處。
如果唔係咁啱入開東涌，都未必發掘到呢間隱世菜館🙈🙈🙈💓💓💓好食！！
张贴
