大頭蝦南風海鮮酒家

营业中

休息中

原來東涌逸東邨附近都有好嘢食，仲要係風味大排檔，呢啲嘢惹味我最鍾意，Google map嘅地址都好準確，揸車去好方便，仲可以泊車喺門口，食完就揸車走，冇得頂。呢間＜大頭蝦＞ 幾特別，竟然有一個自己嘅燒味檔，唔通佢啲燒味出品唔錯？ 另外，外賣單都一張接一張，相信係東涌市民嘅飯堂。餐廳都有分室外同室內，我坐係室內，位置都唔少。事不宜遲，點幾樣嘢食下先。燒味雙拼餐廳職員話呢度啲燒腩仔好正，係幾得喎！暖暖地皮又脆。另外油雞都好滑，而且份量都唔少，啲個價幾好幾好！蜜桃沙律蝦球份量爆多，尤其是啲蝦球，薄薄嘅炸粉炸咗再撈沙律醬，仲係有啲脆，配埋蜜桃一齊食，就好似巴馬臣火腿配蜜瓜一樣，好夾！避風塘茄子必點！超級出色嘅避風塘菜色，茄子炸粉唔厚，茄子裏面一啲都唔油，傳統避風塘炒法，有洋蔥、豆豉、辣椒一齊炒，非常惹味！＜大頭蝦＞啲嘢食非常多元化，我見有人食酸菜魚，有人食全隻燒鵝，都有人食蒸海鮮，值得一讚係佢啲燒味，真係唔錯！另外，我都對佢啲小炒有信心，個避風塘真係煮得幾好，我睇返佢餐廳啲相，竟然仲有烤乳豬，不過呢個就真係可能要預訂，有興趣嘅真係要問一問先，整體嚟講，我好鍾意呢間餐廳嘅味道同氛圍，真心推介！

上次黎食係秋天個陣，一排無食而家盛夏有室內位置太好啦🔸韮菜花炒鹹肉韮菜花清脆爽嫩,散發出清香的味道，鹹肉煎到金黃肥瘦相間肉質鮮嫩帶焦香，韮菜花吸收了鹹肉的鲜味，鹹肉也沾染了韮菜花的清香相得益彰🔸蒜蓉炒生菜新鲜的生菜葉子炒完仲保留到清脆爽口，蒜香四溢加上濃郁肉碎让人食欲大增，簡簡單單好送飯🔸蜜椒薯仔牛柳粒一上枱色澤誘人香氣濃郁，牛柳粒肉質鮮嫩多汁份量慷慨，薯仔粒外層金黃酥脆內裡軟糯香甜，加入蜂蜜及各式辣椒更添甜香同微辣，口感調味層次感豐富

東頭蝦南風海鮮酒家，餐廳座落於東涌逸東邨附近，係典型大排檔式格局😬現場所見當晚好多食客好多街坊look打扮，似乎大多數都係住附近嘅居民，睇嚟餐廳出品一向都有啲保證喎🙊胡椒豬肚雞煲豬肚雞煲湯底用料好豐富，豬肚質地細嫩，雞肉鮮味濃🥳胡椒湯底就好惹味，一路滾起嘅時候簡直係香氣撲鼻😋欖菜肉鬆四季豆香港地嘅家常小菜，四季豆爽脆，肉碎腌得好入味🤩欖菜畫龍點晴，令成碟餸增添唔少風味🤪京蒽芥末牛柳粒牛肉肉質嫩滑，芥末味道好刺激，京蔥搭牛肉又係一絕👍勝瓜肉碎浸魚肚 健康之餘同時富營養嘅一道菜，魚肚煮得好腍身👏

今次嚟到呢間叫大頭蝦南風海鮮酒家，係東涌一間較隱世嘅大排檔。今次係平日去食 到咗夜晚食飯時間都坐到7成滿，環境夠大闊落 幾適合一大班朋友一齊傾計聚腳。📌四川麻辣雞煲 （半隻）第一樣嚟咗呢個麻辣雞煲，食落唔會太死辣 仲有雞肉都夠嫩滑，好足洋蔥同香料。兼且佢會有個爐比埋煮住食，越食越惹味。📌避風塘茄子平時食避風塘炒蟹多，但估唔到呢個避風塘茄子都有驚喜！炸粉冇話太厚，仲要做到外脆內軟。再加埋避風塘香料炒埋一齊，真係食唔停口。📌南風小炒王呢粉小炒超足料，除咗韭菜花，仲有腰果、蝦、帶子、蝦米同魷魚。炒到好爽口又唔會太油，啱晒攞嚟餸飯食。

東涌地膽朋友介紹係逸東村搵食，來到位於北大嶼山醫院🏥旁的「大頭蝦南風海鮮酒家」🍴，其位置十分癮世，鑊氣小菜、秘製燒鵝、麻辣雞煲，同朋友啤一啤🍻就最開心😃。設有室內卡位雅座，又或者可以到室外吹吹自然風，大排檔格局，風味十足坐得舒適。南風小炒皇：不同食材的質地和口感各異，比如肉類的鮮嫩，蔬菜的爽脆，鮮艷的色彩，給人以視覺上的美感，增加了食欲。點少得新鮮魷魚鬚，爽彈 。蝦干咸香，腰果的nutty感，仲有醃蘿蔔粒的爽脆，層次豐腴。麻辣雞煲：用上gas爐助熱，麻辣雞煲使用四川花椒、辣椒等辛辣調料烹製，形成獨特的麻辣口感,讓人食後回味無窮，同時又唔會太辣，反而香氣十足。雞肉經慢炖而入味，肉質非常軟嫩，入口即化,絕對不會口感乾澀，湯汁濃郁鮮美,非常入味。加入青椒在慢煮的過程中保持了蔬菜的脆嫩口感。 麻、辣、鮮、香等不同風味完美融合,形成獨特而豐富的口感體驗。避風塘炸茄子：外酥內軟，茄子經過油炸後,表面形成酥脆的外層,咬下去能感受到內部鬆軟的口感。這種口感反差非常有特色。炸制的過程中會吸收大量香料,如蒜末、辣椒、五香粉等,形成濃郁的鹹香味。仲有一些辣椒,因此會有一絲微微的辣味。這種辣味並不強烈,而是非

今日陪男朋友上咗佢個fd東涌嘅新居house warming，佢朋友推薦呢間大頭蝦南風海鮮酒家一齊食晚飯😋本身聽到係大排檔嘅形式都好驚會好熱，始終而家夏天天氣熱辣辣🥵不過原來佢有室內位置係有冷氣嘅😌如果大家唔怕熱，或者下次冬天嚟食都可以試吓坐出面，更加有風味😌講返嘢食先😝我哋四個人嗌咗四道菜～好吸引呀有胡椒豬肚雞煲 (半隻$258)😆首先一嚟即刻飲啖湯先😋湯底濃味得嚟又唔會太鹹，一飲就知冇落味精😉我哋雖然只係叫咗半隻雞，但雞嘅數量都好多🤩而且雞肉仲好嫩滑，配埋豬肚一齊食好夾😋配料仲有啲枝竹同娃娃菜，令到成個雞煲嘅味道更加平均🤗另一個叫咗京蒽芥末牛柳粒 ($118)～本身我話想食大排檔必嗌嘅薯仔牛柳粒，但男朋友話見到呢個芥末牛柳粒咁特別，出面未見過所以就話要試吓🤣食落芥末味好香，但又唔會太過攻鼻，調味啱啱好😌而且啲牛柳粒好嫩，唔會整得太老咬唔開🤩叫返個菜食吓先～欖菜肉鬆四季豆 ($88)係大排檔必嗌嘅小菜😋四季豆炒得香口得黎又唔會太油膩，連埋啲肉碎一齊食勁惹味😋嗌得太多濃味既餸，最後決定嗌個清淡啲嘅勝瓜肉碎浸魚肚 ($98)清一清味蕾🤣勝瓜同魚肚吸收哂上湯嘅精華，食落好清甜爽口🤩佢哋嘅小

東涌這地方比想像中還要大柳暗花明又一村東涌的蒲點都是商場地帶忽然來到不太熟悉的民生區就會疑問：「嘩！呢度真係有餐廳？」有點像入西貢在沿岸會看到的那類海鮮酒家裝修格局就是大排檔很raw的感覺Menu 上是一堆熟悉的貼地菜式坐到室內位置時還看到有一枱邊氣邊熱鬧地在玩poker 簡單淺嚐黑椒牛柳粒喚回我對另一家愛點的回憶醬香濃厚適合餸飯油泡過的薯仔粒夠香口肉碎生菜煲沙鍋上，大大份菜有點油但挺喜歡豬肉那種略帶咸香的調味另外椒鹽鮮魷炸得剛好粉漿不厚入口不油膩

今次想同大家介紹一間真隱世大排檔餐廳，點解咁樣講呢？因為餐廳嘅位置真係唔係咁容易搵到，唔係住附近嘅人都未必識佢。正正因為咁所以佢先可以保留住最傳統嘅港式大排檔風味，好處係勝在地方夠大，可以有室內同室內可以選擇。☺️**燒味三拼**燒味喺呢度餐廳嘅招牌菜之一，今次試咗佢哋三拼分別係燒肉叉燒同燒鵝。鮮紅欲滴嘅燒鵝皮，淋咗柚子汁更加香滑可口。旁邊仲有焦脆香甜嘅叉燒同厚身多汁嘅燒肉，叉燒係厚切啖啖肉。至於燒肉嘅皮就係脆卜卜，配合佢哋特製嘅芥末醬，真係完美無瑕。🤤**椒鹽魷魚酥**呢個真係港式小食必點嘅經典菜式，我自己都好鍾意食。佢哋用咗新鮮肥美嘅魷魚，炸至外酥內嫩，仲灑埋一大把秘製椒鹽，真係食到停唔到口。值得一讚嘅係佢嘅炸粉唔會好厚身，薄薄地入口即溶。🦑**肉碎生菜煲**煲仔菜呢道餸一上枱嘅時候，已經俾佢嘅香氣迷住咗。佢哋用咗好嫩滑嘅肉碎，同新鮮嘅生菜一齊煮，生菜爽脆之餘仲好入味，用嚟送飯真係一流。🥬

近日去了東涌玩，在樹林中竟然有一間小炒大排檔～ 個餐廳叫大頭蝦海鮮酒家，個名幾得意😂眼見都有唔少街坊食，所以就食呢間！ 食大排檔最鐘意就係食黑椒牛柳粒！ 呢度既黑椒牛柳粒炒得好入味，入口甜甜地因為加左蜜汁～ 咬落唔會好硬好柴，嫩滑爽口😋值得推介！之後叫左個肉碎生菜煲～ 份量好多！ 而且好好味！ 啲生菜又唔會煮到太熟，食落仲係好爽口，入面有好多肉碎，同蝦米，好餸飯！🤤之後仲叫左半隻豉油雞，啲肉都ok 滑～ 不過都係小炒好食啲！ 下次會同一大班朋友黎食！咁樣就可以叫多啲唔同既小炒！

去開 東涌 行東薈城行到腳郁攰 要大吃大喝 又想泊到車東薈城商場入面應該好難搵到一間淨係5分鐘 車程 行路15-20分鍾可以嚟到海鮮風味酒樓起東涌 屹立左10幾年多種 食物選擇、任選 一定希岩主打燒味、特色小菜、烤魚🥢 香港大頭蝦南風海鮮酒家地址: 東涌黃泥屋村2號地下蜜椒薯仔牛柳粒 $118推薦指數：8/10成碟菜 炒得夠乾身薯仔炒得好脆口牛柳粒都唔會太Un金銀蛋時菜 $82 推薦指數：7/10皮蛋數量得宜每一次夾菜嘅時候 都可以食到皮蛋做到 啖啖 菜蛋燒味雙拼 （白切雞+燒鵝）例牌$168 推薦指數：8.5/10果然係主打燒味燒鵝燒得好味新鮮 皮又脆口雞🐓都肥美酸菜味烤魚$218推薦指數：5/10適合喜歡吮骨 慢慢咀嚼的人士魚肉片大塊還有多種配菜芽菜、豆卜、菇、枝竹⋯

去完東涌行outlet之後想搵嘢食，查吓OpenRice見到呢間餐廳所以就嚟試吓。餐廳職員服務好好，介紹餐牌同推介食物。職員話呢度嘅燒味出名，所以我哋就叫咗燒鵝同白切雞。燒鵝，外皮脆與鮮嫩多汁的肉質，配秘制醬料醃制，再以傳統掛爐慢烤至表皮酥脆，內裏肉質鮮美，脂肪與瘦肉比例恰到好處，呈現出誘人的光澤。食用時搭配特製酸梅醬，酸甜解膩，每一口都是對味蕾的極致誘惑。 白切雞，肉質細嫩，搭配蒜蓉、薑蓉及特製醬油，食之清鮮爽口，無油膩之感，完美體現了粵菜精髓。 薯仔牛柳粒，牛柳粒鮮嫩多汁，薯仔則帶來綿軟的口感與淡淡的甘甜，挾著黑胡椒、洋蔥等調料的香氣，形成一道層次分明、營養均衡的美味佳餚，適合各年齡層的家常美味。 生菜煲，新鮮，色澤翠綠，低脂、高纖維的特點，非常適合健康飲食人士的喜愛。

今日東涌行完山好肚餓，決定唔出市區就地覓食。胡椒豬肚雞煲 $288記得！記得！記得先品嚐左湯！湯底濃郁飲落超鮮甜。有齊豬肚同雞新鮮熬製，豬肚厚實有口感，雞有好多件不過肉質唔算好嫩，胡椒味夠出，仲有白菜加持，正👍🏻。京蔥芥末牛柳 $118 牛柳粒為主角，汁係芥末醬，雖然醬汁是用法式芥末調製，但一點都不會刺激鼻竇！面醬肉碎唐生菜 $88肉碎加入面醬咸香入味，配上又嫩又鮮甜嘅唐生菜好開胃消滯。罐裝汽水 $28/2罐白飯 $32/2碗#大頭蝦南風海鮮酒家東涌黃泥屋村2號地舖

今日同狗狗喺東涌行完山行到身水身汗好肚餓落到嚟見到呢間隱世小炒店佢有戶外嘅位置吸引左我入去附近有幾隻肥嘟嘟嘅唐狗原來係呢間小店自己養既 🥰燒味雙拼燒味份量超級大肉質好嫩滑肥美因為食過好多小炒店好多燒味都比較多骨但呢個係正宗大件夾低食真心超級推薦！南風小炒王呢個小炒不得了成個餸材料好豐富入邊有帶子蝦乾鮮魷魚菜甫當然仲有韭菜超級惹味！柚子骨呢碟餸拎過泥既時候已經好香柚子味食落味道係水果既香甜配上肉香成個感覺好平衡排骨炸過有香酥感食完超滿足我地2個女仔叫左3個餸食到非常之飽係食唔哂要打包拎走😂

今晚去東涌和朋友吃晚飯。一行4人點了5個菜、1碗瀨粉，菜的份量挺多，味道也很好。燒味雙拼的燒鵝微暖，豉油雞肉質嫩滑，生菜煲調味剛好，不像其他餐廳的啫啫煲經常弄得很鹹。椒鹽鮮魷炸得香脆，好吃又量大，酸菜味烤魚肉質同樣滑溜，而且小刺非常適合我們。餐廳環境方面，算是比較街坊、裝修簡樸的大排檔，也看到很多街坊穿着拖鞋過來吃飯，跟平常在餐廳商場吃飯，感覺更輕鬆自在，氣氛截然不同。雖然因為下雨，店家沒有開爐燒豬，幸好其他餐點和烤魚都很好吃，是一次非常棒的用餐體驗！

今晚約左幾個朋友去東涌食飯，朋友介紹去左呢間叫大頭蝦海鮮風味餐廳，佢地食過幾次話唔錯👍🏿，值得推介，試過之後，都真系冇介紹錯第一碟燒味雙拼，雞好嫩滑，燒鵝皮好脆口，肉都好鬆化😋，我地仲叫左碗瀨粉整燒鵝瀨🤣，第二碟面醬肉碎唐生菜，用左煲仔上所以特別惹味😋第三碟椒鹽鮮魷亦都炸得好脆卜卜，第四碟酸菜味烤鯇魚半條大邊，酸辣好適中，條魚好新鮮完全冇腥味最後仲有菠蘿咕嚕肉，反而冇咩特別驚喜，啤酒🍻夠凍好飲😋整體泥講食物質素5錯👍🏿，值得推介，下次可以約朋友再去😚