CURATOR Art & Café (已結業)

今日同朋友嚟k11呢一間西餐廳食午餐，基本上係畀佢嘅裝修吸引，佢嘅主題係小王子，不過我哋今次無食佢嘅下午茶，反而係食午餐。 餐廳裝修乾淨企理，而且店員會定時消毒，座位亦都好寬敞，好舒適 。前菜叫咗個沙律，都幾大份，啲菜好新鮮。跟住叫咗個香煎慢煮三文魚扒，三文魚扒好新鮮， 最重要係成塊魚肉都冇骨，而且三文魚扒煎到好脆軟， 配埋菠菜好好食。我哋叫咗個酥脆雞錘配水牛芝士醬， 雞錘炸到好脆，雞肉都好鮮嫩，而且上面配埋水牛芝士， 成件事好夾。嘢飲方面我哋叫咗佢最hit嘅 Artsy print coffee, 個 printing好靚, 下面係凍朱古力, 成杯嘢好好飲。 朋友叫做一個海鹽朱古力香蕉冰雪世界， 冇諗過香蕉同朱古力都幾夾，成個味好match， 再配少少海鹽，超好飲。甜品方面我哋叫咗個意式Terimisu， 味道好好， 而且份量都好大。 值得回顧。