焱丸水產

营业中

休息中

同事生日，請咗佢去焱丸水產食日本菜，餐廳地方不算大，但裝修擺設好有日式居酒屋格調。麻醬豆腐蕃茄沙律，蕃茄甜美，豆腐滑溜，蔬菜爽脆，伴入麻醬食好惹味！焱丸號壽司，壽司好特別，壽司卷在底層，上鋪滿海膽，吞拿魚蓉，蟹柳，帆立貝，蛋絲和蟹籽，口感層次極之豐富。蟹味噌甲羅燒,食浜燒一定少不了甲羅燒，侍應將蟹蓋放上去火爐上, 內有蟹膏, 鵪鶉蛋, 蟹籽及蔥粒，伴均勻再燒一陣就食得，熱辣辣滑嘟嘟，蟹膏鮮味十足，加上蟹籽增加口感，令人食不停口，齒頰留香！烏賊磯燒，鮮魷有口感，而且外層烤得香脆，加上醬汁調味，送酒一流。牛油炒野菜，炒得美味香濃，每一啖野菜都食到牛油香味。Suntory ，有甘醇濃厚的口感以及馥郁啤酒花香。