九丁目日本料理

营业中

休息中

難得去元朗搵朋友食飯 朋友就帶我去咗呢間日本餐廳 呢間好似食居酒屋咁 有好多唔同嘅食物款式 我哋生同熟嘅都有嗌到試下😎壽司方面我哋嗌咗海膽壽司同三文魚軟殼蟹卷 海膽好新鮮 鮮甜而且份量不少 幾抵食😋三文魚軟殼蟹卷嘅三文魚好肥美 好似三文魚腩 再配埋軟殼蟹嘅香脆 同埋蟹子嘅鮮味 唔會太油膩 口感好豐富☺️我哋仲有嗌咗一個火炙三色魚生丼 三文魚燒過個邊既肉會實啲 但仍然juicy😋鰻魚好香口 而且好厚身😋熟食方面我哋點左一個壽喜燒 牛肉份量好多 牛味都好濃👍另外配料亦唔少 有菜有菇等既客易入味既配料 配埋甜豉油湯底 整個都好鮮甜同健康！另外點咗一份法式黃金醬鮭魚多士 多士加上牛油烘得好香脆 再配上厚厚既鮭魚 層次豐富 好味🤤我哋最後點多一份牛舌串燒 牛舌嘅牛味好濃 而且好爽口 燒得剛剛好👍