法國小屋

营业中

休息中

元朗美食實在好多，今日食完正餐之後，見到呢間法國小屋，主打各款法國地道美食，就即刻去買番幾份甜品，返屋企慢慢嘆。餐牌有各款意粉、咸窩夫、批、小食、甜品、飲品，仲有廚師精選套餐，好多選擇。招牌咸牛油焦糖窩夫：一格格既窩夫，質感鬆軟，裝滿焦糖和朱古力醬，仲有味道特別既咸牛油，多種口感在口腔內互相交融，令我一試愛上。半份即焗蘋果批：蘋果批底厚度適中，上面鋪左一片片蘋果和果仁，賣相吸引，咬下去蘋果帶微酸而香甜既味道，酥皮做得好出色。法國皇帝批(酥皮杏仁批)：果仁香口，焦糖醬甜美，整個批既酥皮很鬆脆，每一啖都非常可口，令我十分滿意。招牌煙肉千層芝士薯片：一層一層既薯仔，夾住中間既煙肉和芝士，口感實在太豐富。總結，食物質素好高，配搭得宜，難怪經常人流不絕，值得支持既小店。