影片
最近发掘到一间好有惊喜嘅小店—「法国小屋」，主打平价西餐同甜品，舖头唔大但氛围温馨，重点系出品认真，真系食得出用心！🥣法国龙虾汤一上枱就闻到虾既香气扑鼻，汤饮起嚟唔会觉得腻，充满海鲜味道，饮落口滑顺，有阵阵香气同微微甜味，好似饮紧一碗用长时间熬出嚟嘅法式汤。🥗田园沙律菜非常新鲜爽脆，无论系生菜定车厘茄都保持水分，沙律汁清爽唔会抢味，食落冇负担。🍝明太子蟹肉意粉今餐最惊喜！蟹肉超慷慨，啖啖都系，肉质鲜甜，配合明太子酱汁又咸又香，挂汁力强。意粉烟韧唔淋，上面撒上樱花虾干同木鱼碎，令整道菜多咗份日系风味。🧇咸牛油焦糖窝夫（半份）窝夫外脆内软，焦糖味唔会太甜，咸牛油中和咗甜腻感，令甜品整体味道更平衡，半份份量啱啱好，唔会腻。🧀招牌千层芝士薯片 $48简单材料做出丰富效果！每层薯片都焗得唔会太软身，层层堆叠，唔单止有口感，芝士味浓而不腻。🥓法式芝士烟肉洋葱批 $88真心推荐！酥皮薄脆唔油，入面嘅芝士拉丝效果十足，烟肉咸香四溢，仲带淡淡洋葱甜味，食完令人回味，绝对系水准之上。呢间小店冇用浮夸嘅摆盘或者高级食材，但每一道菜都见得到厨师嘅细心。味道偏向大众化，但调味非常平衡，真正将简单升华。喺一个平实嘅价位下，做到咁多层次，真系好难得，值得大家多啲支持本地用心小店！
继续阅读
难得佛诞三日连假，小妹决定留港消费，与母亲齐撑枱脚，提早庆祝即将来到的母亲节！今日决定「入境」元朗，品尝一间已经开业10年的法国餐厅，《Le Café Des Délices 法国小屋》🇫🇷呢间法国小屋主打窝夫，可以堂食西餐仲可以预订生日蛋糕，仲有得全港送货添，都几多元化㗎！小妹今次特登订位嚟试吓佢啲手势🫶🏻我哋叫咗节日套餐，包龙虾汤两客、三文鱼或风干火腿沙律一客、两款主菜、招牌窝夫一客、及两杯饮品：Apérιтιғѕ🦞龙虾汤：香浓美味🤤系接近龙虾浓汤，不需要搭配龙虾肉依然熬煮得非常好饮！🥗风干火腿田园沙律：一大片火腿、配上酸酸甜甜沙律酱、再加新鲜蔬菜及蕃茄仔，系一款令人开胃的前菜！Plαт prιɴcιpαl🍝烟三文鱼牛油杂菌意粉：意粉煮得非常好食，蒜香牛油洋葱蘑菇酱超级挂汁，烟三文鱼摆成玫瑰花咁劲靓，而且份量都算多！好难食到咁好食又挂汁嘅意粉😍😍🦆法式油封鸭腿伴芝士千层薯片和杂菜：小妹竟然可以在呢间法国小屋食到正宗嘅油封鸭腿😍😍真系非常喜出望外吖！虽然鸭腿切落去个质感似腊鸭，但系鸭腿肉质食落细嫩幼滑，其中鸭腿油脂部份非常出色，就好似食紧A5和牛咁😋；而且伴菜亦十分好食，有比小妹的手指还要粗的粟米仔、亦有胀卜卜的甜豆🫛、仲有又香又入味的千层薯仔添！Deѕѕerт🧇招牌咸牛油焦糖窝夫（配玄米茶雪糕）甜品昼碟近期都好大热，呢间法国小屋则有半立体手绘公仔🧸，记得喺订位时记得要同餐厅讲声要画咩公仔🤭小妹拣咗chiikawa 嘅小八猫💗除咗手绘公仔手工了得之外，佢哋嘅招牌窝夫都非常好食！香脆的窝夫配上焦糖及咸牛油，又咸又甜层次丰富，再加上冻冰冰嘅玄米茶雪糕，系一个完美嘅结尾❣️Boιѕѕoɴѕ🍹冻柠檬茶thé glacé au citron：大大杯柠檬红茶，饮落唔算好甜，消暑一流❣️☕️冻鲜奶咖啡：用美式咖啡制成冰，再加落杯鲜奶，小妹算是第一次饮到咁有特色的latte glacé
继续阅读
经过元朗，很多人认为所见到的都是一些传统的中国式简陃食店， 大排档或舖头。 但今次在一条小巷 的一个转角位，竟然发现一间惊喜。这里有一间高质的平民法国餐厅。 餐厅的装潢己经好有法国特色 ，里边布置雅致整洁， 餐厅虽然不大，但座位坐得很舒服。食物方面制作非常认真 我觉得味道比起很多贵价的法国餐厅还要好。先要介绍一个很美味的甜品-双头雪糕窝夫。 个人认为很多餐厅都有窝夫吃，但要做得好并不容易。此店的窝夫外脆内软，非常松化，口感十足，不是太甜。由于窝夫味道不是太甜， 配以云呢拿味及朱古力味的双头雪糕， 甜度适中，是一个好好的享受。另外要说一说龙虾汤。 相信大家亦知道如果龙虾汤味道太淡，难饮之余亦失却龙虾汤的意义。 而这个龙虾汤味道不是得个咸字， 而是有极浓厚的 龙虾鲜味，店员端出来是热腾腾的， 使人吃过返寻味。最后我觉得非常值得推介的是法式洋葱批， 虽然煮的时间较耐(需时30分钟),但有质素的食物是值得等的。 这个法国洋葱批好香 ，你会平均地品尝到洋葱、芝士、烟肉及菠萝的香味， 我完全感觉到他们对制作食物的认真。这是一间性价比非常高的法国餐厅，我们点了这么多东西，埋单都是200蚊以内 ，元朗的居民不要错过。
继续阅读
🏠 餐厅氛围走进法国小屋，映入眼帘系温暖木调＋淡雅蓝白配色，隐约有巴黎小街Feel。空间虽然唔大，但每枱之间保留足够距离，感觉舒适。播放著轻柔Jazz，细细尝一份法式慢活。🍽 热门主打推介1. 明太子虾柳意粉 🍝意粉烟韧弹牙，明太子酱浓郁带微咸，配上爆香大虾柳，每口都有小海鲜嘅鲜甜。酱汁收得干身，每条都挂满明太子粒，好有满足感。2. 烟三文鱼牛油意粉 🧈🐟三文鱼熏味迷人，牛油汁底滑溜不腻。意粉吸饱微甜牛油香，入口即化，烟三文鱼片薄切又保持Juicy，食落完全唔失望。3. 招牌咸牛油焦糖窝夫 🧇窝夫外脆内软，撒满咸牛油粒＋炙烧焦糖，咸甜交织瞬间俘虏味蕾。每口都系酥脆＋香甜，食完仲想再尝一件。4. 烟肉千层芝士片 🥓🧀一层层烟肉交替奶香芝士，中间夹住手工薄饼。切开即见拉丝效果，香气扑鼻。份量唔会过大，啱啱好一分为二，同朋友一齐食。法国小屋无论前菜、主食定甜点，都保持到法式质感＋香港人易接受嘅咸甜平衡。价位属中上。#元朗美食 #法国小屋 #LeCaféDesDélices #明太子意粉 #咸牛油窝夫 #烟三文鱼 #小店推介
继续阅读
呢度环境好整洁，光猛舒服，坐低食饭感觉好放松！服务员态度超好，笑容满面，落单快手，推介菜式都好专业。先试咗佢哋嘅招牌法国窝夫，哇，外脆内软，淋上焦糖同朱古力酱，仲有鲜忌廉同可可粉，甜度刚好，一啖咬落去超满足！之后嚟咗个卡邦尼意粉，面条弹牙，酱汁浓郁，芝士碎洒得多，忌廉味香滑，好正！仲叫咗个生火腿沙律，新鲜蔬菜配埋薄切火腿唔淋上轻盈酱汁，清新开胃。饮品系热柚子蜜，酸甜平衡，柚子香气扑鼻，暖笠笠解腻一流。整体嚟讲，食物质素高，份量足，价钱合理，绝对值得再嚟！如果钟意西式甜品同轻食，呢度系好选择。
继续阅读