法國小屋

营业中

休息中

難得佛誕三日連假，小妹決定留港消費，與母親齊撐枱腳，提早慶祝即將來到的母親節！今日決定「入境」元朗，品嚐一間已經開業10年的法國餐廳，《Le Café Des Délices 法國小屋》🇫🇷呢間法國小屋主打窩夫，可以堂食西餐仲可以預訂生日蛋糕，仲有得全港送貨添，都幾多元化㗎！小妹今次特登訂位嚟試吓佢啲手勢🫶🏻我哋叫咗節日套餐，包龍蝦湯兩客、三文魚或風乾火腿沙律一客、兩款主菜、招牌窩夫一客、及兩杯飲品：Apérιтιғѕ🦞龍蝦湯：香濃美味🤤係接近龍蝦濃湯，不需要搭配龍蝦肉依然熬煮得非常好飲！🥗風乾火腿田園沙律：一大片火腿、配上酸酸甜甜沙律醬、再加新鮮蔬菜及蕃茄仔，係一款令人開胃的前菜！Plαт prιɴcιpαl🍝煙三文魚牛油雜菌意粉：意粉煮得非常好食，蒜香牛油洋蔥蘑菇醬超級掛汁，煙三文魚擺成玫瑰花咁勁靚，而且份量都算多！好難食到咁好食又掛汁嘅意粉😍😍🦆法式油封鴨腿伴芝士千層薯片和雜菜：小妹竟然可以在呢間法國小屋食到正宗嘅油封鴨腿😍😍真係非常喜出望外吖！雖然鴨腿切落去個質感似臘鴨，但係鴨腿肉質食落細嫩幼滑，其中鴨腿油脂部份非常出色，就好似食緊A5和牛咁😋；而且伴菜亦十分好食，有比小妹的手

今日放假 自己去左元朗圖書館睇書 睇到肚都餓 lunch去左雞地果邊 揀左間西餐小店食 中午時間都好多人 咁岩比我坐到最後一張枱明太子蟹肉意粉好大份好足料 好多明太子 滿滿蟹肉 好滿足 一個人食超級飽 食到停唔到口 呢個好推介 very good 凍水蜜桃茶好消暑 好好飲 唔太甜 岩岩好 招牌窩夫半份嘩 超級好味 即叫即整 熱辣辣 加埋cream係冰火交織 好夾好好食 加埋d醬超正 而且半份一個人食岩岩好 Overall 呢個價錢食到咁高質ge西餐 very good 下次好試多幾款甜品 見到隔離枱食超吸引

呢間元朗小店非常之出名除咗蛋糕精美之外 其實佢其他食物都幾出色今次我就外賣咗返去做晚餐 ❤️🔷法國龍蝦湯🦞 湯底超濃郁 龍蝦味好出 仲有少少cream嘅滑口感 飲落去暖笠笠🔷煙三文魚田園沙律🥗 三文魚唔會太鹹 沙律菜新鮮爽脆加埋啲油醋汁 開胃得來又健康🔷明太子蟹肉尖通粉🍝 呢個有驚喜！超多蟹肉明太子嘅微辣同蟹肉嘅鮮甜好夾通粉煮得啱啱好 唔會太淋 勁掛汁仲有少少芝士香同木魚碎 好食🔷是日甜品 (Tiramisu)☕️ 咖啡同酒味平衡得幾好芝士夠滑 唔會太甜 口感濕潤🔷凍自家製朱古力🍫 朱古力味好濃 飲落去好順滑甜度適中 凍飲好解膩另點小食：🔷招牌焗煙肉千層芝士薯片🧀 邪惡但好食 煙肉同芝士層次分明非常有口感 食到停唔到口🔷半份即焗蘋果批🍎 即叫即焗 熱辣辣上枱 勁香蘋果餡酸甜適中 批皮酥脆加埋少少焦糖醬喺面頭好好味

Cafe主打法式小食🇫🇷除左招牌鹹甜窩夫 皇帝批都係必食‼️價錢親民 份量十足 值得支持嘅小店❤️‍🔥老闆娘勁好手勢 客製化蛋糕都整埋🎂.📌煙三文魚牛油雜菌炒滑蛋 配蕎麥窩夫 $98蕎麥窩夫口感好鬆軟 帶陣陣鹹香🌾面頭鋪滿煙三文魚 大大片 肥美甘鮮🍣底下係香滑炒蛋🍳混入爽嫩雜菌同洋蔥 口感味道更豐富🍄‍🟫🧅伴碟仲有沙律🥗.📌玉桂蘋果窩夫 $56慶生可以訂購朱古力牌🎨畫得勁靚 仲要係好食嘅白朱古力🍫窩夫焗至酥脆鬆軟🧇配以招牌牛油焦糖醬 甜中帶鹹 濃郁香滑🍮忌廉輕盈幼滑 啖啖奶香🤍鋪上爽軟玉桂蘋果 酸甜開胃🍎.📌法國皇帝批(酥皮杏仁批) $48老闆娘姨丈係法國人 沿用傳統食譜 正宗味道✨酥皮焗至焦黃香脆 超酥化有層次🥧濃郁牛油香 但食落完全唔膩🧈杏仁餡厚實濃香 混入果仁碎更有咬口🌰.📌日式醬油帶子意粉 $78全新產品🆕鋪滿醬油珍珠貝 口感爽嫩 鹹香帶點鮮味🦪醬油漬蒜頭酸甜爽脆 好開胃🧄意粉炒得好香 爽彈有咬口🍝撈埋紫菜碎同野菌 配料豐富👅但略嫌油咗少少🤏🏻.📌焦糖脆脆凍牛奶咖啡 $50牛奶淋上espresso 順滑甘香☕️鋪滿焦糖脆脆 增添焦香甜味 但甜度較高🍮.📌立體蛋糕 $568揀咗蠟筆小新

最近發掘到一間好有驚喜嘅小店—「法國小屋」，主打平價西餐同甜品，舖頭唔大但氛圍溫馨，重點係出品認真，真係食得出用心！🥣法國龍蝦湯一上枱就聞到蝦既香氣撲鼻，湯飲起嚟唔會覺得膩，充滿海鮮味道，飲落口滑順，有陣陣香氣同微微甜味，好似飲緊一碗用長時間熬出嚟嘅法式湯。🥗田園沙律菜非常新鮮爽脆，無論係生菜定車厘茄都保持水分，沙律汁清爽唔會搶味，食落冇負擔。🍝明太子蟹肉意粉今餐最驚喜！蟹肉超慷慨，啖啖都係，肉質鮮甜，配合明太子醬汁又鹹又香，掛汁力強。意粉煙韌唔淋，上面撒上櫻花蝦乾同木魚碎，令整道菜多咗份日系風味。🧇咸牛油焦糖窩夫（半份）窩夫外脆內軟，焦糖味唔會太甜，咸牛油中和咗甜膩感，令甜品整體味道更平衡，半份份量啱啱好，唔會膩。🧀招牌千層芝士薯片 $48簡單材料做出豐富效果！每層薯片都焗得唔會太軟身，層層堆疊，唔單止有口感，芝士味濃而不膩。🥓法式芝士煙肉洋蔥批 $88真心推薦！酥皮薄脆唔油，入面嘅芝士拉絲效果十足，煙肉鹹香四溢，仲帶淡淡洋蔥甜味，食完令人回味，絕對係水準之上。呢間小店冇用浮誇嘅擺盤或者高級食材，但每一道菜都見得到廚師嘅細心。味道偏向大眾化，但調味非常平衡，真正將簡單昇華。喺一個平實

"ʟᴇ ꜱᴀʟᴇé ɴᴏᴜꜱ ɴᴏᴜʀʀɪᴛ, ʟᴇ ꜱᴜᴄʀé ɴᴏᴜꜱ ʀᴇᴊᴏᴜɪᴛ. " - ᴘɪᴇʀʀᴇ ʜᴇʀᴍᴇ 後日就系母親節啦，你又準備好去邊度慶祝未呢？小編今次就帶大家黎到元朗，同大家介紹一間開業至今已有11年既街坊小店Cafe 一 法國小屋 @le.cafe.des.delices 佢地除左主食同甜品以外，亦可以訂制蛋糕同卡通牌，價錢亦非常親民👍🏻👍🏻而小編，今次就嗌左佢地Chef推介既套餐：🌟前菜法國龍蝦湯+田園沙律(煙三文魚+$20)🌟主食明太子蟹肉意粉 $168白醬加入明太子同一絲絲既蟹肉，質感非常Creamy，意粉既份量亦非常大，絕對足夠兩個人食🤤👍🏻👍🏻🌟是日甜品 +$20提拉米蘇芝士軟滑，帶淡淡可可既香氣，而且口感濕潤🤤👍🏻👍🏻🌟荔枝茶 +$10仲另外嗌左佢地既招牌甜品：🌟招牌咸牛油焦糖窩夫 $50窩夫即嗌即整，需時大約15分鐘，窩夫外脆內軟，焦糖醬同咸牛油既配幾有趣，香甜之餘帶一絲鹹香，不愧系招牌甜品🤤👍🏻👍🏻📍法國小屋地址：元朗合益路9-15號紀業樓地下I號舖

狗狗可以坐室外 因為係小巷入面所以都有風 唔會好熱👍🏻 我地叫左兩個lunch set同埋小食 甜品 😋 職員姐姐知道ChaB 就嚟生日 就好好人話可以幫我地畫碟！ 好有心思之餘 仲要好靚！ 打卡一流 😎 ChaB 又有藍莓同士多啤梨可以食下 正呀！推薦大家要食煙三文魚牛油雜菌炒滑蛋配蕎麥窩夫 🧇 & 香蕉朱古力窩夫🧇 雖然大家都係窩夫 但係一咸一甜真係好好食 一啲都唔覺得膩！

我地揀左呢間隱藏元朗嘅 「Le Cafe Des Delices」 主打西餐輕食，今次試嘅二人餐由前菜到甜品都充滿驚喜✨ 環境走溫馨小館路線，燈光柔和好啱打卡，重點係食物質素絕對對得住價錢！前菜三重奏 層次感爆燈田園沙律 (+$20升級煙三文魚)：沙律菜加咗油醋汁好開胃！煙三文魚唔係平價貨色，油脂甘香得來唔腥，仲要鋪到滿滿一層🐟秘製雞翼（瑞士汁+醉雞雙拼）：燜到勁入味，瑞士汁勁濃；醉雞翼 酒香清冽，肉質滑嫩有驚喜！兩款都保留肉汁，一碟試齊兩種風味，絕對係心機之作🔥 千層芝士薯片：邪惡度滿分‼️ 薯片每層夾住半溶芝士同香草芝士底勁香，焦邊少脆得來有拉絲效果🧀 主食 牛油蒜蓉番茜煙肉意粉 ($288)意粉煮到有咬口，蒜香牛油醬汁勁creamy同多汁掛滿每條麵，仲有煎到脆邊嘅煙肉粒增加食材味鹹香🥓 最驚喜係落足番茜碎同洋蔥，清新得嚟超夾個汁，兩個人share啱啱好！招牌甜品 鹹牛油焦糖窩夫 + 史迪仔朱古力牌窩夫外層脆如曲奇，內裡鬆軟帶蛋香✨ 面頭淋滿自家製 鹹牛油焦糖醬 ，甜中帶海鹽回甘，旁邊嘅鮮奶油打至輕盈，襯托窩夫濃郁感～卡通朱古力牌唔止得意，仲係靚料製作，濃郁唔黐牙🍫飲品 熱柚子蜜杯底

今次雖然係叫外賣，但係水準都係超哂班，拎番屋企同堂食無分別，明太子蟹肉意粉煮得啱啱好，彈牙有嚼勁，每條意粉都掛滿creamy嘅明太子醬，帶點微辣同鹹香，味道好濃郁。蟹肉好新鮮，撕成細絲，份量多到每啖都有蟹肉嘅鮮甜，食落好滿足。醬汁唔會太膩，仲有少少蒜香同香草味，提升咗整體層次感。望落似細份，但其實份量夠食，食完有種意猶未盡嘅感覺！🍝另外再叫左份小食，招牌千層芝士薯片真係必點！打開就聞到陣陣芝士同蒜蓉香，薯片切得厚薄適中，層層疊疊，焗到外層微脆，內裏軟綿。芝士醬好濃稠，滲入每層薯片，入口係滿滿嘅芝士香，仲有酸忌廉平衡一下，唔會覺得太膩。蒜蓉同香草嘅調味加分不少，食落好惹味，停唔到口！🥔甜品時間當然要試下玉桂蘋果窩夫！窩夫烤得金黃香脆，外層脆卜卜，內裏軟熟，咬落有陣陣牛油香。上面鋪滿蘋果片，煮得軟腍，帶點酸甜，配上玉桂粉嘅獨特香氣，味道好溫暖。仲有少少焦糖醬點綴，甜度調得啱啱好，唔會太漏，係甜品控嘅好選擇！🧇

今日去開元朗搵食，去左呢間地點比較遍既餐廳，估唔環境雖然唔大但係意想不到。 門面裝修偏向外國風情，餐廳雖然唔大但係食物十分意想不到。 瑞士雞翼雞翼十分入味，上菜時仲係熱，雞肉質地嫩。 牛油蒜蓉番茜煙肉意粉呢個意粉賣相好靚，睇到十分足料，醬汁好夠，番茜味好突出配埋香牛油味，真係好好食。 明太子蟹肉意粉呢個意粉睇落都好少女心，粉肉色既明太子汁加左d櫻花蝦 ，仲有木魚絲，成個意粉都好靚，食落去啖啖明太子汁，入面帶有蟹肉，份量都好多，意粉軟硬度適中，好好味，呢個都係必食。 玉桂蘋果窩夫新鮮製造既窩夫好鬆脆，唔會好似食一舊粉既感覺，做得十分好食，配左玉桂蘋果，有清新既感覺，加左粉少焦糖醬十分多層次。 法國皇帝批呢個批係人生中第一次食，賣相好高級專業，食落去好溫暖，表面酥皮薄脆，入面鬆軟溫暖，帶有粒粒杏仁，杏仁味突出，真係意想不到，第一次食呢款甜品。 自家制朱古力朱古力飲落去質地好濃厚，朱古力味香，非一般沖出黎既朱古力，十分飲。 千層焗薯薯片軟度好好，好香薯味亦帶點牛油香，表層酥脆，食落2層口感，食完都想繼續。入元朗一定要試，足料夠味份量足。食物質素意想不到。

聽朋友介紹元朗有間出色嘅小店，就帶埋女朋友一齊嚟撐枱腳餐廳嘅環境唔算大，好彩早少少到，好快就坐滿了，建議留定位穩陣聽朋友講呢到嘅杏仁批同意粉都好有風味，一於試下佢。自家製朱古力 （熱）$38朱古力味好香濃，面層嘅泡泡質感好smooth，整體口感都好幼滑，同埋唔會太甜，天氣凍一流。千層芝士薯片 $48由好多層嘅薯仔切片加埋芝士同煙肉一齊去焗，薯片口感外脆內軟，芝士熔化埋一齊，帶啲creamy texture，煙肉嘅咸香亦都令到成個味道更有層次感，非常推薦！秘製瑞士雞翼 $38雞翼非常入味，肉質保留到肉汁唔會鞋口，而且唔肥，色澤都好靚，好食。好多層嘅薯仔片加埋香噴噴嘅芝士真係好正！明太子蟹肉意粉 $88滿滿嘅櫻花蝦，再鋪上不斷扭動嘅木魚絲，大量嘅粉紅色明太子醬，剩係賣相已經好吸引！ 一夾起已經聞到好香嘅明太子味，醬好多唔洗就住食，味道剛剛好，每一啖都有鱈魚子脆卜卜嘅口感加彈牙意粉好正！牛油蒜蓉蕃茜煙肉意粉 $78香濃嘅蕃茜香草味，加埋牛油香氣，令人回想起置身係外國田園嘅感覺。鐘意食香草嘅一定唔可以錯過！份量真係好多，好滿足！玉桂蘋果窩夫 $56窩夫嘅口感鬆軟，蘋果烤焗過碗埋玉桂亦都係經典

放假就需要脱離吓平日嘅生活環境鋪頭因為唔係對住繁忙馬路入到去個人感覺節奏都變得慢落嚟🎵臨近晚餐時間就決定提早食dinner第一眼就睇中咗明太子蟹肉意粉❤️一上枱就見到上面木魚隨住熱力不斷郁動未講味道單憑夠熱哩樣就要加分👍而味道方面好有驚喜夠Creamy亦有唔少蟹肉下次再嚟絕對係encore之選😙第二個pasta本身叫辣肉腸鮮蕃茄長尖通粉不過當日改咗做芝士鮮茄肉醬長尖通粉蕃茄係用新鮮而唔係用茄膏因為真係食得出果種酸味😂唔係平時食到嘅肉醬味飲品就揀咗荔枝梳打同凍水蜜桃茶唔係果啲人工合成嘅香味飲品每杯啲材料都係真材實料有荔枝或水蜜桃喺入面甜品就叫咗法國皇帝批，即酥皮杏仁批🥧強烈建議食到一半主食先嗌佢新鮮出爐真係好好食😋表皮酥脆，內部鬆軟杏仁片經過烤焗都好似薯片咁脆利申我係唔飲杏仁霜嘅人雖然食個批嘅時候都會有啲杏仁霜嘅味道但係我今次係完全接受到仲要覺得好好食😋哩個又係一款下次encore item

元朗美食實在好多，今日食完正餐之後，見到呢間法國小屋，主打各款法國地道美食，就即刻去買番幾份甜品，返屋企慢慢嘆。餐牌有各款意粉、咸窩夫、批、小食、甜品、飲品，仲有廚師精選套餐，好多選擇。招牌咸牛油焦糖窩夫：一格格既窩夫，質感鬆軟，裝滿焦糖和朱古力醬，仲有味道特別既咸牛油，多種口感在口腔內互相交融，令我一試愛上。半份即焗蘋果批：蘋果批底厚度適中，上面鋪左一片片蘋果和果仁，賣相吸引，咬下去蘋果帶微酸而香甜既味道，酥皮做得好出色。法國皇帝批(酥皮杏仁批)：果仁香口，焦糖醬甜美，整個批既酥皮很鬆脆，每一啖都非常可口，令我十分滿意。招牌煙肉千層芝士薯片：一層一層既薯仔，夾住中間既煙肉和芝士，口感實在太豐富。總結，食物質素好高，配搭得宜，難怪經常人流不絕，值得支持既小店。

久違嘅聚會，一定要搵個舒適嘅地方慢慢食嘢🥂，今次揀咗元朗嘅法國小屋。餐廳藏喺巷仔度，有啲歐風小店嘅風情，裝修簡約又有格調，彷彿行入巴黎嘅一角。揀咗廚師特選套餐，由頭盤到甜品都好有心思。法國龍蝦湯 & 田園沙律：龍蝦湯濃郁順滑，充滿海鮮鮮味，配上香脆麵包更加滿足。田園沙律清新怡人，醬汁剛剛好平衡，唔會太酸或太甜。明大子蟹肉意粉 & 西梅汁西班牙黑豚肉飯：蟹肉意粉鮮美，醬汁濃郁唔膩，每一口都飽覺海鮮鮮味。意粉軟硬啱啱好，吸收醬汁後更加美味。西班牙黑豚肉飯帶來另一種層次，黑豚肉嫩滑多汁。招牌咸牛油焦糖窩夫 & 蘋果批：焦糖窩夫外脆內鬆，焦糖甜味同咸牛油香味完美結合，讓人難以忘懷。蘋果批為經典之作，蘋果餡香甜唔膩，配合牛油酥皮香氣，為美餐畫上完美句號。法國小屋係一間適合細味嘅歐陸小館，餐點水準高，係一個適合聚會、閑談嘅理想場所下次想悠閒享受法式風味，呢度絕對係一個唔錯㗎揀選！

多年無見的朋友相聚，選了一間隱藏在元朗小巷的法國小屋，環境優雅寧靜，佈置簡潔帶點法式風情，特別適合細談近況、慢慢享受美食。餐廳的氣氛令人放鬆，座位寬敞，不會有壓迫感，無論是朋友聚會還是小型慶祝，都非常適合。這次我們選了廚師精選套餐，先來兩款前菜：法國龍蝦湯：濃郁的海鮮味道非常突出，入口滑順，還帶點胡椒香，絕對是暖胃之選。田園沙律：用上新鮮爽脆的蔬菜，搭配輕盈甜甜沙律醬，簡單但非常開胃。主菜方面，我選了明大子蟹肉意粉（$168）：意粉口感剛剛好，吸滿蟹肉的鮮甜，帶點明太子的鹹香，每一口都充滿層次，整體味道濃郁但不膩。朋友選了西梅汁西班牙黑豚肉飯（$268）：黑豚扒肉煎得很香肉質嫩滑，帶點油香，配合酸甜平衡的西梅濃汁，提升了整體的味覺體驗，配飯非常惹味。配菜有番茄和椰菜花。最後的甜品部分，我們點了招牌咸牛油焦糖窩夫（半份）和蘋果批：咸牛油焦糖窩夫：外脆內軟，焦糖的微甜與咸牛油的鹹香互相襯托，這個絕對是我食過數一數二高質的窩夫，非常適合香港人口味，做得酥脆口感非常輕盈，完全沒有甜膩，口感豐富！蘋果批：蘋果餡帶點微酸，與鹹香酥脆批皮成絕配，必食甜品！整體來說，這頓飯非常滿足，無論是環境還是食物