鮮入圍煮花膠雞海鮮火鍋

营业中

休息中

今日朋友特別約左出尖沙嘴食呢間鮮入圍煮，佢話呢度既花膠雞煲湯底超正，所以就黎食。一坐底我地就叫左個鍋先，因為可以先飲湯，之後再慢慢落野食。 個煲黎到又真係幾有睇頭。 我地叫既係細煲，所以係半隻雞，但見佢隻雞都算大隻，而且花膠好厚好大塊。 店員會幫我地剪開隻雞，唔止湯好像5，雞同花膠都真係好好味，多肉唔太肥，每人都飲左2，3碗湯，跟住就再叫餸食火鍋。 我地叫左碟手切頂級安格斯牛肉，好大碟，都好新鮮。 牛肉唔會好似啲肥牛咁一食即溶，而真係幾有口感，但又唔會硬，好有口感。佢地既胡椒豬肚貢丸都好特別，好香胡椒味，而入而都有一塊仔豬肚，好特別。好耐冇食過牛骨髓，見佢有就好想叫黎食，淥一淥好快食得。 雖然冇牛筋咁好味，但都幾易入口。 食下食下，其實佢既份量都幾多，今晚真係好滿足。