影片
更多
2022-09-18
94 浏览
今日朋友生日，喺OpenRice見到呢一間咁多好評，所以就專登book咗黎探店。咁啱撞正佢大廈出邊搭棚，好彩佢個牌夠光猛我先可以遠遠就找到，如果唔係可能都要搵一搵路。餐廳入邊嘅裝修都好有情調，如果情人節同另一半嚟應該都係一個唔錯嘅選擇。我哋個位隔離有塊小黑板寫住daily special.佢本Menu其實好大本，真係好難全部都影晒。坐低冇幾耐之後佢就俾咗個麵包，仲有一杯welcome drink比我哋。每張枱都有醋同埋油，比大家點啲麵包食。麵包外脆內軟我哋揀咗嘅係白酒煮澳洲鮮活藍青口（ $238 ）。超級驚喜，佢每一隻青口一啲都唔腥仲好鮮嫩入邊嘅青口有黃色有白色，我唔係青口專家，都唔知道兩個會唔會同品種有關，但係兩款都同人哋好味。更加值得讚嘅係佢下面個湯汁（？）都好好味。其實可能佢唔expect係俾人飲，但係點一啲加埋這些青口一齊入口真係超驚喜。必點推介因為食青口嘅緣故，我同朋友都點咗個白酒嘆☺️煮食方面我哋叫咗個日本黑舞茸菇意大利飯。睇開日本卡通片嘅朋友都應該知道呢隻菇好似都幾貴下，食起嚟幾唔錯，佢嘅份量唔會太多，所以就唔會話食到好油膩。飯嘅質感都係我鍾意嘅程度，食落唔會太硬慶祝生日又
今日朋友生日，喺OpenRice見到呢一間咁多好評，所以就專登book咗黎探店。咁啱撞正佢大廈出邊搭棚，好彩佢個牌夠光猛我先可以遠遠就找到，如果唔係可能都要搵一搵路。
餐廳入邊嘅裝修都好有情調，如果情人節同另一半嚟應該都係一個唔錯嘅選擇。
我哋個位隔離有塊小黑板寫住daily special.佢本Menu其實好大本，真係好難全部都影晒。
坐低冇幾耐之後佢就俾咗個麵包，仲有一杯welcome drink比我哋。每張枱都有醋同埋油，比大家點啲麵包食。麵包外脆內軟
我哋揀咗嘅係白酒煮澳洲鮮活藍青口（ $238 ）。超級驚喜，佢每一隻青口一啲都唔腥仲好鮮嫩入邊嘅青口有黃色有白色，我唔係青口專家，都唔知道兩個會唔會同品種有關，但係兩款都同人哋好味。更加值得讚嘅係佢下面個湯汁（？）都好好味。其實可能佢唔expect係俾人飲，但係點一啲加埋這些青口一齊入口真係超驚喜。必點推介
因為食青口嘅緣故，我同朋友都點咗個白酒嘆☺️
煮食方面我哋叫咗個日本黑舞茸菇意大利飯。睇開日本卡通片嘅朋友都應該知道呢隻菇好似都幾貴下，食起嚟幾唔錯，佢嘅份量唔會太多，所以就唔會話食到好油膩。飯嘅質感都係我鍾意嘅程度，食落唔會太硬
慶祝生日又點可以冇甜品呢，我哋呢一餐以一個果木煙燻朱古力布朗尼結束。我本身以為佢所謂嘅煙燻只係一個噱頭，點知食落個brownie嘅時候真係每一啖都食到有煙燻嘅感覺係幾新奇通常叫甜品都可能講緊比一塊就算呢一度真係比足兩塊你，其實都幾抵
张贴
