影片
更多
2023-05-18
72 浏览
今次去咗銅鑼灣一間近期新開嘅鐵板燒，晚上七點兩個鐵板區都已經坐滿食客，食客都以年輕人為主，開業無耐已經吸引到唔少客人都算係成功。晚餐有提供兩個套餐選擇，以餐廳名命名。「本」$588 一人前「命」$788 一人前我地揀咗個「本」晚餐鐵板燒試下✨前菜▪️鯖魚漬鯖魚食落唔腥，加咗啲洋蔥同醋汁，酸酸地食落特別開胃。▪️沙律沙律菜新鮮爽口，仲有車厘茄同蘆薈粒，酸酸甜甜作為開胃菜好適合。✨大蝦先將蝦頭蝦殻去除，而蝦肉加入牛油香煎，食落彈牙爽口，配埋蝦膏製成嘅醬汁，非常惹味可口。✨北海道帆立貝帆立貝厚肉大大粒，生熟度啱啱好，食落鮮甜又彈牙，沾埋菠菜忌廉羅勒汁味道更上一層樓。✨甘鯛魚皮炸到好脆口咬落卜卜脆，魚肉亦非常嫩滑皮脆肉嫩，加埋甘筍忌廉汁更美味。✨鹿兒島野崎和牛薄燒師傅會先問想要生啲定熟啲，我鍾意食生啲嘅。先將蔥、蒜片和洋蔥煎香包係入面，再將和牛薄燒包係外層，和牛油脂分佈平均，入口即溶食落滿口油香，加少少wasabi 食冇咁膩。✨黑豚薄餅燒先將外層嘅春卷皮煎香，入面包住生薑汁同洋蔥又幾蔥味，呢個特別嘅配搭我幾鍾意。✨薩摩赤雞雞肉大大塊煎到好香，肉質比較結實富彈性，口感嫩滑，雞味濃郁，加埋蜜糖辣汁好惹
晚餐有提供兩個套餐選擇，以餐廳名命名。
「本」$588 一人前
「命」$788 一人前
我地揀咗個「本」晚餐鐵板燒試下
✨前菜
▪️鯖魚漬
鯖魚食落唔腥，加咗啲洋蔥同醋汁，酸酸地食落特別開胃。
▪️沙律
沙律菜新鮮爽口，仲有車厘茄同蘆薈粒，酸酸甜甜作為開胃菜好適合。
✨大蝦
先將蝦頭蝦殻去除，而蝦肉加入牛油香煎，食落彈牙爽口，配埋蝦膏製成嘅醬汁，非常惹味可口。
✨北海道帆立貝
帆立貝厚肉大大粒，生熟度啱啱好，食落鮮甜又彈牙，沾埋菠菜忌廉羅勒汁味道更上一層樓。
✨甘鯛
魚皮炸到好脆口咬落卜卜脆，魚肉亦非常嫩滑皮脆肉嫩，加埋甘筍忌廉汁更美味。
✨鹿兒島野崎和牛薄燒
師傅會先問想要生啲定熟啲，我鍾意食生啲嘅。先將蔥、蒜片和洋蔥煎香包係入面，再將和牛薄燒包係外層，和牛油脂分佈平均，入口即溶食落滿口油香，加少少wasabi 食冇咁膩。
✨黑豚薄餅燒
先將外層嘅春卷皮煎香，入面包住生薑汁同
洋蔥又幾蔥味，呢個特別嘅配搭我幾鍾意。
✨薩摩赤雞
雞肉大大塊煎到好香，肉質比較結實富彈性，口感嫩滑，雞味濃郁，加埋蜜糖辣汁好惹味。
✨炒飯
和牛炒飯炒到粒粒分明，飯粒乾身仲有蛋香味，食埋好飽。
✨吸物
有黃芽白、豆腐同竹笙等配料，魚湯呈奶白色鮮味十足。
✨炒野菜
食到接近尾聲都已經好飽，但都要食返啲菜平衡返先得。
✨甘味焦糖多士配雪糕
▪️焦糖多士
▪️開心果雪糕
▪️海鹽雪糕
雪糕有兩種選擇，分別係海鹽同埋開心果，兩款雪糕同樣好滑，焦糖多士金黃香脆，配埋冰凍雪糕食好正。
✨飲品
▪️青檸梳打
▪️菠蘿可爾必思
$28 大大杯好抵飲😂
總結：
餐廳環境嚟講都唔錯，坐得都幾舒適。
店員都好有禮貌，面帶笑容服務都唔錯。
價錢親民好大眾化，仲食得好飽，值得回訪。
张贴
