享慢煮泰 (已結業)

一經過門口，就俾金色高貴裝修吸引。餐廳內空間感十足，擺設充滿泰國風味。佢哋有兩個Menu，一個set Menu，一個lunch Menu。我同朋友各自試咗呢兩款Menu。Set Menu我嗌左個3 courses喺裏面任揀三款，都只係$198，價錢十分平民合理。法式龍蝦湯流心牛角包本人10分喜愛食牛角包，對於fusion龍蝦湯，配搭10分令人驚喜。外貌精緻，味道非常鮮味。一切開個牛角包啲汁就流晒出嚟，啲湯仲係暖暖地添。泰式燒西班牙黑毛豬頸肉份量適中，豬頸肉外圍嘅皮剪得幾脆，肉質鮮嫩，一啖放落口，肉就溶化左喺個口度。真空慢煮法式焦糖燉蛋特別鍾意呢個甜品，燉蛋嫩滑之餘，入面仲有啲酸酸地嘅菠蘿蓉，口感層次豐富。花生醬沙嗲雞串調味剛剛好，份量適中，同喺泰國食嘅一樣。龍蝦汁蟹肉伊麵伊麵麵條軟熟，容易入口。蟹肉鮮味，份量頗多。泰式奶茶另外，加埋杯泰式奶茶嘅甜味，特別開胃。Conclusion: 呢間餐廳真係充滿驚喜，價錢平穩之餘，食物質素高，職員態度亦非常之親切。值得再嚟。