珍珀雅集

营业中

休息中

今晚到粉嶺探朋友，見到呢間餐廳個名咁特別，珍珀雅集，好奇係食咩野菜式之下，入左去食晚飯。一睇菜牌，菜式類似某家鄉菜，老闆話係客家菜，咁香港又真係比較少食客家菜既餐廳喎。朋友鐘意食豬肉，就點左個梅菜扣肉，我就比較鐘意清淡，就點左客家豆腐煲加多個炒菜芯，另外又叫左兩樣特別食物，高湯蘿蔔粄，蒸米粉。梅菜扣肉一上菜就聞到好香，眼見每一片扣肉都十分厚切，令人食指大動。一食發現梅菜幾靚，好香但又唔會過咸，餸飯一流。所以又加多兩個砵仔蒸飯，呢個飯又係，蒸得好好，爽口有飯香。客家豆腐煲豆腐好香，外面煎到少少金黃色。炒菜芯有大量既炸到脆口既豬油渣，菜芯爽嫩。高湯蘿蔔粄有4隻，湯有蝦米有青葱，蘿蔔粄形狀似餃子，幾特別。蒸米粉配有兩碟佐料，一碟係蒜蓉辣椒醬，一碟係乾葱頭豉油，撈落蒸米粉拌勻香辣開胃。