Honbo (裝修中)

因為怕肥嘅關係，平時好少食美式漢堡包做晚餐。但其實我好中意漢堡包加炸薯條呢一個邪惡嘅組合，因為漢堡包薯條會喚起我童年時嘅快樂回憶，食嘅時候所有童真嘅感覺都返晒黎！呢度座位與座位之間有一段距離，有空間感而且坐得舒適，啱晒三五知己一齊嚟飲杯嘢吹下水。侍應新推介呢度嘅signature Honbo 1.5，材料有滿溢嘅芝士、洋蔥碎、酸瓜，同埋三塊2 Oz嘅漢堡扒。佢嘅自家製醬汁非常香口惹味，係呢度獨有嘅味道其他地方食唔到。Sides揀左Cheese fries，薯條即叫即炸外脆內香軟，淋上香濃芝士，邪惡程度爆燈！另一款係Basic嘅Cheese burger，女仔嘅話叫呢個份量啱啱好，佢同Honbo 1.5嘅分別就係多咗生菜同埋塊漢堡扒厚D，係一塊4 Oz嘅漢堡扒，咬落幾juicy。Sides揀左coleslaw椰菜絲沙律，中和一下漢堡包嘅油膩感。餐廳有唔少自家製作嘅特色飲料，我地就點左Apple ale ice tea 同埋 Mike’s Lemonade。前者無糖口感帶輕微苦澀，茶味香濃，用嚟平衡返漢堡包同炸薯條嘅重口味就啱晒。後者飲落有啲似鹹檸蜜，兩款飲品都幾有特色。