影片
更多
2017-11-27
87 浏览
今日同朋友食生日飯，因其中一人是食素的，所以今日揀左尖沙咀雅悠 蔬食去試試。一入餐廳，環境好寬敞，3人坐4人卡位，舒服。佢sofa係淺紫同白色既配合，好公主feel㗎! 侍應又有禮貌。第一印象已經非常好！一見到個lunch set menu，有好多選擇，有前菜沙律，餐湯（中/西 2選1），主菜（6選1），餐飲。前菜沙律：藜麥沙律菜，分量恰到好處，好健康既材料。餐湯：我揀左中湯，一上抬，個湯好夠熱，飲到我暖笠笠，讚！材料亦不馬虎，又有粟米，雪耳，霸王花，秋冬飲，夠哂滋潤！朋友揀咗西湯，濃濃既南瓜湯好香好滑又滋味。主菜：我揀左韓式牛蒡拌飯，個飯係用石鍋上的，個飯黎到同d醬汁攪拌之後，好好味，又夠熱！分量對於一般女仔就剛剛好！（如果係石頭鍋飯整到有飯焦既口感就perfect 啦）。朋友就揀咗芋頭粟子炆豆腐煲，個飯係珍珠米黎，圓圓的入口好舒服，好有口感。粟子好甜，芋頭炆得林林哋，豆腐又超滑，凍凍哋既天氣食真係一流!餐飲：都有幾多選擇，除左例牌既 咖啡/0茶/0水，仲有蘆薈柚子蜜 / 0蜜生薑茶 / 鹹柑桔比我地揀，絕對唔 hea。最後我地叫埋甜品（lunch set 加$15-$20 就有一
一入餐廳，環境好寬敞，3人坐4人卡位，舒服。佢sofa係淺紫同白色既配合，好公主feel㗎! 侍應又有禮貌。第一印象已經非常好！
一見到個lunch set menu，有好多選擇，有前菜沙律，餐湯（中/西 2選1），主菜（6選1），餐飲。
前菜沙律：藜麥沙律菜，分量恰到好處，好健康既材料。
餐湯：我揀左中湯，一上抬，個湯好夠熱，飲到我暖笠笠，讚！材料亦不馬虎，又有粟米，雪耳，霸王花，秋冬飲，夠哂滋潤！朋友揀咗西湯，濃濃既南瓜湯好香好滑又滋味。
主菜：我揀左韓式牛蒡拌飯，個飯係用石鍋上的，個飯黎到同d醬汁攪拌之後，好好味，又夠熱！分量對於一般女仔就剛剛好！（如果係石頭鍋飯整到有飯焦既口感就perfect 啦）。朋友就揀咗芋頭粟子炆豆腐煲，個飯係珍珠米黎，圓圓的入口好舒服，好有口感。粟子好甜，芋頭炆得林林哋，豆腐又超滑，凍凍哋既天氣食真係一流!
餐飲：都有幾多選擇，除左例牌既 咖啡/0茶/0水，仲有蘆薈柚子蜜 / 0蜜生薑茶 / 鹹柑桔比我地揀，絕對唔 hea。
最後我地叫埋甜品（lunch set 加$15-$20 就有一件 甜品）。朋友生日冇理由唔叫件cake去慶祝下。我地揀左抺茶紅豆 cheesecake 同椰汁糕，唔太甜。
對於一個無肉不歡既人黎講，餐廳方面有好多選擇，賣相亦相當吸引，等我食得肉多都會可以去食下素令腸胃休息一下。我自己就比較喜歡食'真齋'（不是什麼素叉燒，素咕嚕肉等，都是用大豆類模仿肉類形狀），佢地大多數材料都是蔬菜，健康又好味，正合我哋心意，讚！
张贴
