影片
更多
2017-11-27
89 浏览
最近食得太多肉類，油脷又唔健康既野。想食番d清清地既野，等自己既罪惡感無咁大。所以就決定食下齋喇。一聽到食齋，仲覺得係d好舊式，無咩好食既齋菜館……問一問朋友有咩好推介。佢就介紹左呢間蔬菜館俾我喇！😃👍呢間啲裝修好靚，以淡紫色為主。公主 style 😍岩哂女仔去。環境亦好舒適。安排我坐卡位梳化。 😎都幾full人。而家好多人都鐘意去食啲健康野。而呢間又可以做到咁時尚新穎既齋菜。都幾特別，有別於傳統既齋菜。佢晚市有set dinner 叫。價錢合理。大約二百幾就有一個set.包前菜，小食，主菜，甜品，飲品。本來再試下佢啲點心，見佢做到好靚，可惜午市先有。下次再黎試下先。前菜有三款：蘆筍薯仔沙律👍呢個做得好味，因為佢啖啖都係薯仔肉，再加上刁草醬汁，鹹鹹地。好特別。涼拌妃子百合木耳。呢個好開胃。有少少紹興酒既味道，浸得好入味！仲有啲妃子百合，好養生😋紅菜頭合桃蘋果，食落d蘋果有d柚子汁，好爽又開胃。猴頭菇竹笙蓮子燉湯。🍄🍄通常啲湯要落d肉先可以吊到個湯既味出黎。但呢碗湯又燉得到出黎，唔會話無好淡無味。反而好重菇味🍄。好足料！另外叫左本店推介既黑松露薯蓉大啡菇！好大件，賣相好靚 😍好香既黑松露
想食番d清清地既野，等自己既罪惡感無咁大。
所以就決定食下齋喇。
一聽到食齋，仲覺得係d好舊式，無咩好食既齋菜館……
問一問朋友有咩好推介。佢就介紹左呢間蔬菜館俾我喇！
😃👍呢間啲裝修好靚，以淡紫色為主。公主 style 😍岩哂女仔去。
環境亦好舒適。
安排我坐卡位梳化。 😎
都幾full人。而家好多人都鐘意去食啲健康野。
而呢間又可以做到咁時尚新穎既齋菜。都幾特別，有別於傳統既齋菜。
佢晚市有set dinner 叫。價錢合理。大約二百幾就有一個set.
包前菜，小食，主菜，甜品，飲品。
本來再試下佢啲點心，見佢做到好靚，可惜午市先有。下次再黎試下先。
前菜有三款：蘆筍薯仔沙律👍呢個做得好味，因為佢啖啖都係薯仔肉，再加上刁草醬汁，鹹鹹地。好特別。
涼拌妃子百合木耳。呢個好開胃。有少少紹興酒既味道，浸得好入味！仲有啲妃子百合，好養生😋
紅菜頭合桃蘋果，食落d蘋果有d柚子汁，好爽又開胃。
猴頭菇竹笙蓮子燉湯。🍄🍄
通常啲湯要落d肉先可以吊到個湯既味出黎。
但呢碗湯又燉得到出黎，唔會話無好淡無味。
反而好重菇味🍄。好足料！
另外叫左本店推介既黑松露薯蓉大啡菇！
好大件，賣相好靚 😍
好香既黑松露味，將d茄汁加落係薯蓉面度。切開成舊黎食，三層口感。好味。估唔到大啡菇唔會好乾身。反而仲好多水索哂入去。😋🍴做得好出色。
而佢d伴菜亦唔會求其。落左d黑醋落去，食落更開胃 👍
泰式香煎如餅。
呢個餅做得好厲害，食落真係好似食緊出面食到既煎魚餅一樣，好似食到d肉咁 👍但泰式辣醬都幾辣，唔敢沾太多。
手卷都做到幾好味，啲配料好夾。紫菜好脆身。
店員仲好細心，提供埋濕纸巾抹手！👍
主菜到 😍
牛肝菌粟子芋頭啫啫煲！
一上抬，真係同平時食既啫啫煲一樣既香味！👃好野味！
個煲有牛肝菌，所以味道較為濃味。芋頭好林身，好入味。送飯一流。
加錢叫左杯露薈柚子蜜，好滋潤，岩哂乾燥又凍既天氣飲。 🍹
個set包左：抹茶紅豆芝士蛋糕。
好重既抹茶味，鐘意食抹茶岩哂！
蓮茸西米布甸 🍮
呢個焗得好好味，因為佢除左西米之外，仲有蓮茸係入面。 甜甜地，又有咬口。
食完呢個甜品就真係滿足哂喇 ！😋
估唔到齋菜店可以俾到我咁好既感覺。下次可以再來試其他！
张贴
