影片
更多
2018-05-15
360 浏览
環境食物服務質素高質，會去第二次！首先環境闊落舒適，中國式嘅佈置但唔會俗氣，好適合一大班人吹水暢談！服務態度優秀、主動、有禮貌。服務員會主動介紹湯底食材、仲會主動執枱倒水，效率快，服務態度令人滿意！至於食物方面我哋叫咗 「金屋藏嬌湯底」， 湯底由半隻雞冬瓜同各種蔬菜餚製而成 ，非常鮮味，完全係自家製雞湯 。湯底清甜，冇味精，令我哋飲咗好幾碗。 而且隻雞係完全唔老，非常嫩滑 。湯底真係非常出色，已經令我哋嘆為觀止，對之後嘅食物都非常之期待。 本身囗淡淡嘅話唔洗怕，開餐前一定要食下佢嘅酸菜醒下胃先，之後就可以嗌多啲野食，唔洗驚嗌得多食唔落。我哋嗌咗安格斯牛脊肉， 牛肉肥瘦適中，切得比較薄片，三秒即可以食用。牛味濃，而且好鮮甜，值得一試。 黑豚五花腩真係會想食過返尋味！一啲都唔韌，咬落去非常淋，囗感極佳。 我哋仲嗌咗招牌黑松露蟹肉餃子。第一次試呢一種咁特別嘅餃子 ，好濃烈嘅黑松露味喺口腔裏面散發，令人一試難忘。而且啖啖嘅蟹肉充滿係口腔，感覺真係一流。我哋仲嗌咗紫菜炸響鈴，原來紫菜加響鈴嘅味道係咁夾。而且呢度嘅響鈴唔會油膩，令人一試再試！ 芝士墨魚丸都好令人驚喜，呢度嘅丸全部都係由 師父親手打
首先環境闊落舒適，中國式嘅佈置但唔會俗氣，好適合一大班人吹水暢談！
服務態度優秀、主動、有禮貌。服務員會主動介紹湯底食材、仲會主動執枱倒水，效率快，服務態度令人滿意！
至於食物方面我哋叫咗 「金屋藏嬌湯底」， 湯底由半隻雞冬瓜同各種蔬菜餚製而成 ，非常鮮味，完全係自家製雞湯 。湯底清甜，冇味精，令我哋飲咗好幾碗。 而且隻雞係完全唔老，非常嫩滑 。湯底真係非常出色，已經令我哋嘆為觀止，對之後嘅食物都非常之期待。
本身囗淡淡嘅話唔洗怕，開餐前一定要食下佢嘅酸菜醒下胃先，之後就可以嗌多啲野食，唔洗驚嗌得多食唔落。
我哋嗌咗安格斯牛脊肉， 牛肉肥瘦適中，切得比較薄片，三秒即可以食用。牛味濃，而且好鮮甜，值得一試。
黑豚五花腩真係會想食過返尋味！一啲都唔韌，咬落去非常淋，囗感極佳。
我哋仲嗌咗招牌黑松露蟹肉餃子。第一次試呢一種咁特別嘅餃子 ，好濃烈嘅黑松露味喺口腔裏面散發，令人一試難忘。而且啖啖嘅蟹肉充滿係口腔，感覺真係一流。
我哋仲嗌咗紫菜炸響鈴，原來紫菜加響鈴嘅味道係咁夾。而且呢度嘅響鈴唔會油膩，令人一試再試！
芝士墨魚丸都好令人驚喜，呢度嘅丸全部都係由 師父親手打製而成。墨丸非常彈牙，而且咬落去中心嘅時候有好濃烈嘅芝士流出。如果係芝士嘅愛好者一定超級鍾意呢一個丸啦！
豬大腸亦係值得一試。呢度嘅豬大腸好乾淨，可以放心食，而且好入味，夾埋個湯底真係無得頂。囗感雖煙韌，但都係好易咬，真係會食上癮！
冰豆腐超抵食！一塊都已經差吾多手掌咁大。咁正嘅湯底一定要配番呢度嘅冰豆腐，成塊好似海綿索哂濃郁嘅湯底，味道好豐富！
午餐肉大大塊好抵食，味道啱啱好唔會太鹹，適合本身鍾意食清淡野嘅人。
最尾食咗稻庭烏冬，啲烏冬做得非常出色，囗感煙韌，淥耐咗都唔會咁易淋，值得推介！
Btw唔知點解今次啲相好濛 大家請見諒啊～～
张贴
