影片
更多
2019-04-07
102 浏览
觀塘對我嚟講真係有少少遠，所以好少去個頭食嘢，今日去拎網購順手搵有乜食，搵到依間喺工廈嘅私房菜。我哋因爲睇落都好吸引，所以我哋決定唔再揀，嗌咗份二人套餐。麻辣手撕雞，唔算大份，味道鮮味，麻香而且雞絲同青瓜絲都幼身，而且均衡。大肉蟹用薑葱，新鮮惹味，香氣撲鼻。肉蟹啖啖肉，蟹蓋都有啲膏，調味得宜，唔會太鹹太濃，食得出食材本身嘅鮮甜。什菌豆腐大蜆湯呈奶白色，清甜可口，一小碗剛好。白胡椒香爆南非鮑魚，白胡椒入饌唔係少見，但依個調味配鮑魚真係一流，本身鮑魚新鮮，彈牙，加上白胡椒提味，溫和嘅辛味配上鮑魚嘅鮮甜，相映成輝。流沙黃金蝦外脆內軟，黃金香，蝦肉爽口，仲有蝦膏。士多啤梨骨醬汁唔會好甜，帶骨肉入味又唔會太膩。 富瑤炒飯配料豐富，有瑤柱、鮑魚，炒得乾身，粒粒分明。蒜蓉炒西蘭花，簡單一道菜，有鑊氣。我哋仲嗌咗一份滷水鵝，鵝片柔軟，滷水入味，鵝油非常的香，比想像中出色。雲呢拿布丁作為甜品，完美句號。
我哋因爲睇落都好吸引，所以我哋決定唔再揀，嗌咗份二人套餐。
麻辣手撕雞，唔算大份，味道鮮味，麻香而且雞絲同青瓜絲都幼身，而且均衡。
大肉蟹用薑葱，新鮮惹味，香氣撲鼻。肉蟹啖啖肉，蟹蓋都有啲膏，調味得宜，唔會太鹹太濃，食得出食材本身嘅鮮甜。
什菌豆腐大蜆湯呈奶白色，清甜可口，一小碗剛好。
白胡椒香爆南非鮑魚，白胡椒入饌唔係少見，但依個調味配鮑魚真係一流，本身鮑魚新鮮，彈牙，加上白胡椒提味，溫和嘅辛味配上鮑魚嘅鮮甜，相映成輝。
流沙黃金蝦外脆內軟，黃金香，蝦肉爽口，仲有蝦膏。
士多啤梨骨醬汁唔會好甜，帶骨肉入味又唔會太膩。
富瑤炒飯配料豐富，有瑤柱、鮑魚，炒得乾身，粒粒分明。
蒜蓉炒西蘭花，簡單一道菜，有鑊氣。
我哋仲嗌咗一份滷水鵝，鵝片柔軟，滷水入味，鵝油非常的香，比想像中出色。
雲呢拿布丁作為甜品，完美句號。
张贴
