影片
更多
2022-08-17
769 浏览
店舖開張已經三年，前後去過三次，每次都滿意。價錢方面，合理，收咁嘅錢，提供番咁嘅質素，value for money 。一句講晒，牛扒唔會令你失望。白飯有誠意，應該係珍珠米，米飯分明，唔係一嚿嚿，試吓去淘大某店比較，你就會明白什麼叫一嚿嚿嘅飯。八幡呢間店舖，由於是自助形式，沒有收加一，但千祈唔好以為呢啲自助服務，唔收加一係必然，因為淘大花園神石燒，都係提供類似嘅石燒，都係自助形式，但係會收一。對比之下，八幡真係抵幫襯，加上全日都係同一價錢，唔會話午餐平啲，晚餐貴啲，雖然都係食類似嘅嘢。牛扒上枱嘅時候，為免油脂肉汁溢出四濺，八幡用一張餐紙覆蓋，唔好睇小呢個動作，同類型嘅其他店舖，係用一張廚紙覆蓋！環境方面，八幡乾淨衛生，碗碗碟碟，餐枱餐椅絕對冇油淋淋嘅感覺，即管試吓比較銅鑼灣怡和街某店，你就會明晒餐具器皿地方衛生乾淨嘅重要性。呢間店舖，老闆管理得好，員工每當見到客人離開的時候，火速補位清潔一番。連裝蒜蓉嘅樽，黑椒樽，岩鹽嘅樽都會抹，用膳過多小時，我留意到服務員，總會有嘢抹緊。員工收碟快，不用三催四請。店舖提供嘅沙律菜新鮮，你望個樣就知道，就會夠膽食。湯，味道一般，而且頗油，不過可能係一個
價錢方面，合理，收咁嘅錢，提供番咁嘅質素，value for money 。一句講晒，牛扒唔會令你失望。白飯有誠意，應該係珍珠米，米飯分明，唔係一嚿嚿，試吓去淘大某店比較，你就會明白什麼叫一嚿嚿嘅飯。
八幡呢間店舖，由於是自助形式，沒有收加一，但千祈唔好以為呢啲自助服務，唔收加一係必然，因為淘大花園神石燒，都係提供類似嘅石燒，都係自助形式，但係會收一。對比之下，八幡真係抵幫襯，加上全日都係同一價錢，唔會話午餐平啲，晚餐貴啲，雖然都係食類似嘅嘢。
牛扒上枱嘅時候，為免油脂肉汁溢出四濺，八幡用一張餐紙覆蓋，唔好睇小呢個動作，同類型嘅其他店舖，係用一張廚紙覆蓋！
環境方面，八幡乾淨衛生，碗碗碟碟，餐枱餐椅絕對冇油淋淋嘅感覺，即管試吓比較銅鑼灣怡和街某店，你就會明晒餐具器皿地方衛生乾淨嘅重要性。
呢間店舖，老闆管理得好，員工每當見到客人離開的時候，火速補位清潔一番。連裝蒜蓉嘅樽，黑椒樽，岩鹽嘅樽都會抹，用膳過多小時，我留意到服務員，總會有嘢抹緊。員工收碟快，不用三催四請。
店舖提供嘅沙律菜新鮮，你望個樣就知道，就會夠膽食。
湯，味道一般，而且頗油，不過可能係一個 norm , 因為我見其他對手嗰啲湯，都係咁上下水平。
老闆常駐場，服務態度好。管理亦都好，你試吓去自助取餐間觀察，唔會見到有飯粒，唔會有跌咗落嚟嘅沙律菜鋪枱，唔會亂，因為佢哋抹得幾快。
咁呢間舖頭有冇缺點呢？有，佢嘅地點唔係咁顯眼，你唔係專登去，又或者之前去過，你都唔會咁容易發現到，因為餐廳係一個地庫，而呢一個地庫，前身都唔係超級旺埸，賣下金魚，水族箱咁，不過呢個缺點，同店舖無關。呢間店舖，應該係做熟客多，可見回頭率極高。
仲有冇缺點，有，呢間店舖，你咩時間去，總會有人喺度食緊， 好難會令你有包場嘅感覺，或者一個人霸三張凳嘅可能，然則，你都唔會覺得好逼夾嘅。
张贴