影片
更多
2014-12-29
3512 浏览
聖誕長假期無外遊，但去了母校中大「郊遊」，並在附近的沙田凱悅酒店住一晚，晚餐揀了呢間中菜餐廳，一心想試呢度出名的北京烤鴨。我哋兩個人叫了半隻烤鴨三食，份量比想像中多。一開始先上配料，除了必有的醬料和砂糖外，還多了薑汁，同時間，廚師已在旁邊手起刀落。好快已經有侍應將一碟鴨皮上枱，佢叮囑我哋呢部份要盡快趁熱食，只配砂糖就夠。鴨皮烤得好香脆，入口即融，油脂適中，砂糖還有解膩的作用，咁的食法好有驚喜，亦更能夠品嚐到烤鴨皮的美味。之後，再上一碟沒有皮的鴨胸肉，和一碟連皮的鴨腿肉，兩樣都可配以大蒽絲、青瓜條、甜麵醬和糖，用薄餅卷住食。鴨腿肉卷可以落埋薑汁，加上有鴨皮的關係，味道比鴨胸卷更多層次。 烤鴨部份抵讚，但要批評的是，其中一籠的薄餅皮一攞就爛，餐廳有必要改進!至於第二食，就係鴨肉鬆生菜包，味道無大驚喜，而作為第三食的鴨湯，更是淡而無味，建議大家無必要點三食，只試烤鴨就可以。另外，我哋仲叫了黑松露石班塊，味道幾好，魚肉滑得黎有淡淡的松露香，而且份量十足。最後，試埋佢的甜品。餐牌上有唔少新奇的選擇，例如腐乳芝士蛋糕、紫薯嘉應子蛋卷等，但我哋唔係好想試，最終揀左兩款自家製雪糕:五糧液朱古力雪糕、黑
一開始先上配料，除了必有的醬料和砂糖外，還多了薑汁，同時間，廚師已在旁邊手起刀落。
好快已經有侍應將一碟鴨皮上枱，佢叮囑我哋呢部份要盡快趁熱食，只配砂糖就夠。鴨皮烤得好香脆，入口即融，油脂適中，砂糖還有解膩的作用，咁的食法好有驚喜，亦更能夠品嚐到烤鴨皮的美味。
之後，再上一碟沒有皮的鴨胸肉，和一碟連皮的鴨腿肉，兩樣都可配以大蒽絲、青瓜條、甜麵醬和糖，用薄餅卷住食。鴨腿肉卷可以落埋薑汁，加上有鴨皮的關係，味道比鴨胸卷更多層次。
烤鴨部份抵讚，但要批評的是，其中一籠的薄餅皮一攞就爛，餐廳有必要改進!至於第二食，就係鴨肉鬆生菜包，味道無大驚喜，而作為第三食的鴨湯，更是淡而無味，建議大家無必要點三食，只試烤鴨就可以。
另外，我哋仲叫了黑松露石班塊，味道幾好，魚肉滑得黎有淡淡的松露香，而且份量十足。
最後，試埋佢的甜品。餐牌上有唔少新奇的選擇，例如腐乳芝士蛋糕、紫薯嘉應子蛋卷等，但我哋唔係好想試，最終揀左兩款自家製雪糕:五糧液朱古力雪糕、黑糖薑蕃薯雪糕。
五糧液朱古力雪糕比想像中好味，高度酒很適合配香濃的朱古力，而黑糖薑蕃薯雪糕都唔錯，類似蕃薯糖水的味。總體來講，呢度環境舒適，雖然位置對港島人係比較遠，但值得入黎試下佢的烤鴨，比起外面唔少烤鴨都好味。
张贴
