一杯鐵板燒居酒屋

营业中

休息中

今晚朋友約咗嚟APM 呢間「一杯鐵板燒居酒屋」聚下。餐廳佈置充滿日本氛圍，坐得舒服，服務幾貼心。我哋4個人叫咗個4人套餐$1480，另外叫咗枝清酒 。🍾 一心 純米大吟釀 $250口感醇厚，唔錯！🇯🇵豚肉沙律食材新鮮，好味嘅開胃菜。🇯🇵 刺身四品 油甘魚/赤蝦/三文魚/磯煮鮑魚職員服務幾貼身，介紹我哋先食鮑魚，然後赤蝦，跟住三文魚，最後油甘魚，咁就可以享受刺身嘅鮮甜味。🇯🇵海膽卷賣相幾靚，海膽新鮮，口感豐富，好味。🇯🇵 牛舌鹽燒 2串、免治雞肉 2串牛舌彈牙，免治雞肉鬆軟爽脆。🇯🇵 鯛魚野菜石鍋湯因為有鯛魚，湯底清新又甘甜，滋味豐富，正。🇯🇵 鐵板 A4 和牛薄燒有質素，入口即溶，好味😋。🇯🇵 鐵板蟹肉炒飯蟹肉炒飯份量多，香口！🍮芒果奶凍食埋呢個甜品，完美一餐。