丸目背脂煮干

营业中

休息中

今日去咗旺角食拉麵，餐廳門口真係有唔少人排隊，食飯時間唔少男士、情侶都紛紛喺度等位。促使到我都好期待入店品嚐背脂煮干拉麵。特製背脂煮干拉麵 $88湯底脂香濃滑，油脂分布係非常之多，因為用咗濃厚嘅豬背脂油，湯底充滿油花，仲有淡淡魚香嘅鮮味，面底為粗身嘅極太面，口感好煙韌非常掛湯，粗麵食落份外飽肚。半熟留心蛋相當入味，好滑溜。另外好欣賞慢煮豚肩，灸燒豚腩，一肥一瘦嘅配搭兩種唔同嘅口感，肉質都好鮮嫩。仲有大量木耳絲，拉麵整體嘅味道都好濃郁。另外仲可以有增脂、鬼脂、脂地獄三款可以增量。丸油面（拌麵）$98有背脂、豚腩、日本產生雞蛋、菠菜、蔥、筍、泡菜、紫菜、醬料方面用上了蝦油、麻油、醬油，哈油同埋油嘅味道都好濃郁，將有就已經拌好咗係個面度每一條都好入味，雞蛋好新鮮，蛋漿令到拌麵口感更加彈牙同順滑，菠菜上面仲有調味粉，整體都好刺激味蕾，相當豐富。靜岡蜜瓜梳打$18有清甜嘅蜜瓜味，飲落有少少起沙嘅感覺，口感好有趣，味道清甜有果香味，梳打調配嘅份量剛好，唔會太多氣。三得利烏龍茶 $15茶味濃郁帶啲回甘，非常之可以解渴解膩，好啱食完一碗濃郁嘅拌麵然之後去飲用。