琥酌 (已結業)

之前喺尖沙咀食過一次，今日咁啱去太子同朋友經過呢個曾相識個名，即刻拉咗朋友一齊去食，因為印像中記得佢嘅牛吉列係超好食的！豚肉泡菜相撲鍋 相撲火鍋湯頭除左有味增同醬油外，仲有微酸辛辣既泡菜，味增提鮮，醬油入味，裡面仲有金菇、青菜、豚肉等食材，飄香隨着濃湯沸騰溢出，食得出一身汗卻停唔到口！吉列盛合盛合有炸蠔、和牛薯餅同炸蝦。全部都係新鮮即炸，咬落去熱騰騰但炸粉唔會好咬同無油溢味！蠔好飽滿juicy、蝦爽口大隻，最好食係個薯餅，外面脆卜卜但入面係入口即融既口感，和牛同薯仔完美融和！角切魚生飯由多款不同魚生，如三文魚）切粒，拌入青瓜、雞蛋、蟹子等食材，用料不少，賣相非常吸引！魚生食得出係新鮮現切，啖啖鮮味，多重口感越食越滿足！安格斯牛吉列最後當然唔少得我念念不忘的安格斯牛吉列啦！一上菜，朋友已經比佢精緻古典既盛皿吸引到，吉列牛呈上時係表面薄薄炸漿，外面脆皮中間則保持生既狀態，店員教落每邊20秒左右就差唔多~牛肉除左有牛味外，肉質仲夠嫩唔會會過韌，肉汁豐腴，朋友都大讚無介紹錯！