陳根記 (已搬遷) 新店位置

黎呢度，係食氣氛同懷舊。食物既質素都好飄忽，不過多數都好鹹。頭抽雞係算唔錯，雞嫩滑唔會太老，個豉油既甜度同鹹度岩岩好；不過真係手快有手慢無，唔係成日叫到。呢個腐乳通菜係超爆鹹，你知通菜幾咁索汁，一放入口，四方八面既汁湧出黎，極度刺激味蕾；想食既朋友可以浸一浸茶黎食。椒鹽鮮魷就係咁，外皮咁淺色，其實係炸得唔夠透啦。魷魚有少少濕，如果再炸下會爽口好多。呢個係最正路既，魚片同豆腐都多，味道唔算鹹，呢個可以飲多幾碗呀。聽講佢會係大埔墟開分店，不過都希望佢地可以原永續啦。