影片
更多
2015-07-13
531 浏览
呢間舖未開之前經過見到，白色門面好清新，仲寫住dessert bar，有d期待！終於有日開咗張，門口豎咗黑板仔，梗係第一時間check下有咩甜品好食！點知睇黎睇去都係pasta等主菜，唔見甜品？！！ 就算翻埋檯面個兩張餐牌仔，都只是得少少幾款cheesecake之類，無咩吸睛嘅款色。說好的dessert bar呢？可能啱開張未有啦，我等⋯我等⋯等咗好一排，門口都係個個餐牌（「菇」字寫成「茹」 逼死強迫症）主菜都無特別，所以一直無試⋯直到有一日發現佢openrice上咗主頁！！幾乎全部好評！哇咁犀利難道有驚喜！朋友見到都按捺不住，叫我一齊去試。可能因為openrice熱門，晚餐時間好爆差d無位坐。檯比較密，座位都有d窄（梳化可能好d）。如果係下午時間想悠悠閒閒坐耐d，可能不是特別舒適。食物請睇圖片。佢就係你見到圖片之後想像到嘅味道⋯沙律新鮮，汁份量適中（少少地唔怕heavy）；意粉味道都唔錯；都係正常cafe標準，但又未到openrice講得咁特別好食。但最驚喜*最值得一提嘅係，餐後甜品個雪糕！其實當日個餐跟甜品，waitress小姐話係chocolate mousse，點知上到黎係
終於有日開咗張，門口豎咗黑板仔，梗係第一時間check下有咩甜品好食！點知睇黎睇去都係pasta等主菜，唔見甜品？！！ 就算翻埋檯面個兩張餐牌仔，都只是得少少幾款cheesecake之類，無咩吸睛嘅款色。說好的dessert bar呢？
可能啱開張未有啦，我等⋯我等⋯等咗好一排，門口都係個個餐牌（「菇」字寫成「茹」 逼死強迫症）主菜都無特別，所以一直無試⋯
直到有一日發現佢openrice上咗主頁！！幾乎全部好評！哇咁犀利難道有驚喜！朋友見到都按捺不住，叫我一齊去試。
可能因為openrice熱門，晚餐時間好爆差d無位坐。檯比較密，座位都有d窄（梳化可能好d）。如果係下午時間想悠悠閒閒坐耐d，可能不是特別舒適。
食物請睇圖片。佢就係你見到圖片之後想像到嘅味道⋯沙律新鮮，汁份量適中（少少地唔怕heavy）；意粉味道都唔錯；都係正常cafe標準，但又未到openrice講得咁特別好食。
但最驚喜*最值得一提嘅係，餐後甜品個雪糕！其實當日個餐跟甜品，waitress小姐話係chocolate mousse，點知上到黎係士多啤梨雪糕！都算啦明嘅，可能自制mousse賣曬。但個雪糕⋯好細好細之餘⋯一食落就覺得好頹-.-
後來係openrice再搵下餐牌搵唔到嘅精緻甜品款色，見到有款都幾多人po嘅炸雪糕，umm⋯如果入面都係呢個頹雪糕⋯
或者唔應該要求一間小cafe有好高級嘅雪糕提供，但叫得dessert bar卻無咩dessert嘅存在感連個雪糕都⋯？！其實我係咪太執著於門口個招牌？最搞笑係係openrice甜品餐廳排名名列前茅
總的來講未算好差，但環境食物同價錢各方面都無咩驚喜。如果唔係睇咗openrice加大咗期望，或者會少d失望。
张贴
